Qazaqstanda maqta jinaý naýqany aiaqtaldy. Aýyl sharýashylyǵy ministri Aidarbek Saparovtyń málimdemesi boiynsha, biylǵy jyly zamanaýi tehnologiialardy qoldaný nátijesinde ónimdilik artty dep habarlaidy Dalanews.kz.
-Zamanaýi eginshilik tehnologiialaryn, sonyń ishinde tamshylatyp sýarý ádisin engizýdiń arqasynda keibir sharýashylyqtar gektarynan 50 tsentnerge deiin ónim aldy, - dedi ministr.
El boiynsha ortasha ónimdilik gektaryna shamamen 30 tsentnerdi qurady. Jalpy aýylsharýashylyǵy qyzmetkerleri 428 myń tonna shiki maqta jinady, bul byltyrǵy jylmen salystyrǵanda 42%-ǵa kóp.
Ministr fermerlerge zamanaýi ádisterge ótýge ári qarai da qoldaý kórsetý mańyzdy ekenin atap ótti.
-Osy oraida ákimdikke maqtany dástúrli ádispen egetin aýylsharýashylyǵy qyzmetkerlerin zamanaýi ári tiimdi tehnologiialarǵa kóshirýdi qamtamasyz etý qajet, - dedi ol.
Aidarbek Saparovtyń aitýynsha, ónimdiliktiń ósýi memlekettik qoldaýdyń arqasynda múmkin boldy.
-Fermerlerdiń agrotehnologiialardy saqtaýyna, eń aldymen, memlekettik qoldaýdyń erte jeńildetilgen nesie berý túrindegi sharalary yqpal etti, al biylǵy jyly bul nesie kólemi alǵash ret 1 trln teńgege jetti, - dep atap ótti ministr.
Sonymen qatar, biyl alǵash ret 1,8 mln tonna mineraldyq tyńaitqysh engizildi, bul ǵylymi negizdelgen qajettiliktiń 56%-yn quraidy.
- Elita tuqymdardyń úlesi 9,5%-dan 11,5%-ǵa deiin ósti, jospar boiynsha 10,5% bolatyn, - dep qosty ol.
