Densaýlyq saqtaý ministrliginiń Sanitariialyq-epidemiologiialyq baqylaý komiteti adam papillomasy virýsyna (APV) qarsy vaktsinatsiia baǵdarlamasyn keńeitti, dep habarlaidy dalanews.kz.
Endi 14 pen 17 jas 11 ai 29 kún aralyǵyndaǵy qyz balalar APV-ge qarsy ekpeni erikti túrde ala alady. Tiisti qaýlyǵa Qazaqstannyń bas memlekettik sanitariialyq dárigeri qol qoiǵan.
Vaktsinatsiia ata-ananyń nemese zańdy ókildiń aqparattandyrylǵan kelisiminen keiin mekteptegi meditsinalyq kabinetterde nemese tirkelgen emhanalarda júrgiziledi.
Komitet málimetinshe, qosymsha ekpeler qolda bar vaktsina qory esebinen salynady.
