2025 jyly Qazaqstanda qandai kólemde ónim jinalǵanyn aýyl sharýashylyǵy ministri Aidarbek Saparov málimdedi, dep habarlaidy Dalanews.kz.
Elde dándi daqyldardy jinaý jumystary aiaqtaldy. Biyl 16 mln gektar jerden 27,1 mln tonna astyq jinaldy.
«12,2 mln gektar astyq alqabynan (16,6 ts/ga) 20,3 mln tonna bidai jinaldy, bul ótken jylmen salystyrǵanda jarty million tonnaǵa kóp. Sonymen qatar, bidai egistik alqaby diversifikatsiia aiasynda shamamen 900 myń gektarǵa qysqarǵanyna qaramastan, óndiris kólemi saqtalyp qana qoimai, aitarlyqtai ósti, bul agrotehnologiialardy qoldanýdyń deńgeii artqanyn taǵy bir ret kórsetedi», – dedi Saparov úkimet otyrysynda.
Maýsymda 4 mln tonna arpa jinaldy, kólemi ótken jylmen birdei boldy. Burshaq daqyldarynyń ónimin alǵash ret 1 mln tonnaǵa jetti. Sondai-aq, ministrdiń aitýynsha, biyl maily daqyldardan rekordtyq ónim – 4,3 mln tonna jinaldy. Maily daqyldardy jinaý áli aiaqtalǵan joq. Sonymen qatar, agrarlyq sala mamandary jinaǵan ónimder:
- 2,9 mln tonna kartop;
- 3,8 mln tonna kókónis;
- 2,6 mln tonna baqsha daqyldary;
- 428 myń tonna shiki maqta, bul 2024 jylmen salystyrǵanda 42%-ǵa kóp.
