2025 جىلى قازاقستاندا قانداي كٶلەمدە ٶنٸم جينالعانىن اۋىل شارۋاشىلىعى مينيسترٸ ايداربەك ساپاروۆ مەلٸمدەدٸ, دەپ حابارلايدى Dalanews.kz.
ەلدە دەندٸ داقىلداردى جيناۋ جۇمىستارى اياقتالدى. بيىل 16 ملن گەكتار جەردەن 27,1 ملن توننا استىق جينالدى.
«12,2 ملن گەكتار استىق القابىنان (16,6 تس/گا) 20,3 ملن توننا بيداي جينالدى, بۇل ٶتكەن جىلمەن سالىستىرعاندا جارتى ميلليون تونناعا كٶپ. سونىمەن قاتار, بيداي ەگٸستٸك القابى ديۆەرسيفيكاتسييا اياسىندا شامامەن 900 مىڭ گەكتارعا قىسقارعانىنا قاراماستان, ٶندٸرٸس كٶلەمٸ ساقتالىپ قانا قويماي, ايتارلىقتاي ٶستٸ, بۇل اگروتەحنولوگييالاردى قولدانۋدىڭ دەڭگەيٸ ارتقانىن تاعى بٸر رەت كٶرسەتەدٸ», – دەدٸ ساپاروۆ ٷكٸمەت وتىرىسىندا.
ماۋسىمدا 4 ملن توننا ارپا جينالدى, كٶلەمٸ ٶتكەن جىلمەن بٸردەي بولدى. بۇرشاق داقىلدارىنىڭ ٶنٸمٸن العاش رەت 1 ملن تونناعا جەتتٸ. سونداي-اق, مينيستردٸڭ ايتۋىنشا, بيىل مايلى داقىلداردان رەكوردتىق ٶنٸم – 4,3 ملن توننا جينالدى. مايلى داقىلداردى جيناۋ ەلٸ اياقتالعان جوق. سونىمەن قاتار, اگرارلىق سالا ماماندارى جيناعان ٶنٸمدەر:
- 2,9 ملن توننا كارتوپ;
- 3,8 ملن توننا كٶكٶنٸس;
- 2,6 ملن توننا باقشا داقىلدارى;
- 428 مىڭ توننا شيكٸ ماقتا, بۇل 2024 جىلمەن سالىستىرعاندا 42%-عا كٶپ.
