merikalyq kinoakademiia "Oskar" syilyǵyna usynylǵan Ádilhan Erjanovtyń "Kadet" filmin shetel tilindegi "Úzdik film" nominatsiiasynan alyp tastady. Sebep - filmniń sapasynda emes, múdde qaishylyǵynda., dep habarlaidy Dalanews.kz.
"Kompromat Aziianyń" jazýynsha, filmniń prodiýseri Erlan Býharbaevtyń aitýynsha, "Oskar" uiymdastyrýshylarynyń sheshimimen rejisser Erjanovtyń "Kadet" atty qorqynyshty filmi halyqaralyq nominatsiiadan shyǵarylǵan.
Mundai sheshimge Qazaqstan kinematografister ligasy sebep bolǵan. Olar operator Erkinbek Ptyraliev ulttyq irikteý komissiiasynyń múshesi bolǵanyn aityp, ol óz filmine daýys bergen bolýy múmkin degen ýáj keltirgen.
"Bul shyndyqqa sáikes kelmeidi, jáne resmi túrde rastalǵanyna qaramastan, osyndai jaǵdai bolyp otyr. Kinematografister ligasy "bedelge nuqsan kelýi múmkin" dep alańdaǵanymen, is júzinde bul onyń tóraiymynyń jeke kózqarasynan týǵan jaǵdai", - dep jazdy Erlan Býharbaev.
Al Kinematografister ligasy bul sózderdi joqqa shyǵardy. Olar jiberilgen hat filmderge nemese adamdarǵa emes, ulttyq irikteý kezinde ashyqtyq pen ádildik saqtalýyna qatysty bolǵanyn aitty.
"Másele filmde emes, kásibi qaǵidalardy saqtaý kerek. Sheshimder ádil qabyldansa, oǵan el ishinde de, halyqaralyq deńgeide de senim artady. Qazaqstandyq kino halyqaralyq moiyndaýǵa laiyq, biraq ol ashyq jáne adal protsestersiz, kórermen men avtorǵa qurmetsiz múmkin emes", - dep jazdy liga ókilderi.
"Kadet" filmi tóńiregindegi jaǵdai qazaqstandyq kino salasyna ishki túsinistik pen jaýapkershilikti damytý qajet ekenin kórsetti. Daýlardy el ishinde sheship, halyqaralyq deńgeige shyǵarmaý kerek degen oi aityldy.
Alaida ótinim qabyldaý merzimi ótip ketkendikten, basqa film usynýǵa múmkindik joq. Demek, Qazaqstan 2026 jylǵy "Oskarǵa" qatyspaidy jáne sol arqyly júldeden de, nominatsiiadan da aiyryldy.
