2025 jylǵy 1 qazandaǵy jaǵdai boiynsha mindetti, mindetti kásiptik jáne erikti jarnalar esebinen qalyptastyrylǵan jáne QRUB-tyń senimgerlik basqarýyndaǵy zeinetaqy aktivteriniń sońǵy 12 aida salymshylardyń (alýshylardyń) shottaryna bólingen tabystylyǵy 12,90% infliatsiia kezinde 14,11% boldy, dep habarlaidy Dalanews.kz.
2024 jyldyń qazanynan bastap 2025 jyldyń qyrkúiegine deiingi kezeń ishinde eseptelgen investitsiialyq kiris mólsheri 3,11 trln teńgege jetti.
Jumys berýshiniń mindetti zeinetaqy jarnalary (JMZJ) esebinen zeinetaqy aktivteriniń kiristiligi sońǵy 12 aida 8,44% boldy.
Zeinetaqy aktivteriniń qysqa merzimdi jeke kezeńderdegi kiristiligi olardy basqarý tiimdiliginiń kórsetkishi bola almaidy. Óitkeni qarjy quraldary men basqa operatsiialar boiynsha syiaqy túrindegi qysqa merzimde eseptelgen kirister osy kezeńdegi baǵaly qaǵazdar men valiýta baǵamdarynyń ózgerýin árdaiym jaba bermeidi. Sondyqtan investitsiialyq kiristiń mólsherin obektivti taldaýdy kem degende bir jyldyq kórsetkishi boiynsha jasaǵan jón.
Orta jáne uzaq merzimdi keleshekte zeinetaqy jinaqtarynyń oń naqty (jinaqtalǵan infliatsiiadan asatyn) tabystylyǵy qamtamasyz etiledi. Máselen, 1998 jyly jinaqtaýshy zeinetaqy júiesi qurylǵan sátten bastap 2025 jylǵy 1 qazanǵa deiin jinaqtalǵan investitsiialyq kiristilik 1063,15% boldy, al búkil kezeńdegi infliatsiia 920,56%.
2014 jyldan bastap (zeinetaqy aktivteri BJZQ-ǵa biriktirilgennen keiin) jinaqtalǵan taza investitsiialyq kiris – 2025 jylǵy 1 qazandaǵy jaǵdai boiynsha 13,62 trln teńge. Qazaqstandyqtardyń zeinetaqy jinaqtarynyń jalpy kólemindegi jinaqtalǵan taza investitsiialyq kiristiń úlesi júzege asyrylǵan tólemder esebimen 42,8% jetti, bul azamattardyń jinaqtaý qurylymynda investitsiialyq qyzmettiń mańyzdy oryn alatynyn kórsetedi.
Qazaqstanda infliatsiia deńgeiin eskere otyryp, mindetti zeinetaqy jarnalarynyń saqtalýyna biregei kepildik beriletinin eske salamyz. Salymshynyń tólemge quqyǵy bastalǵan kezde jinaqtalǵan kiristiligine keri áserin tigizgen jekelegen kezeńderdegi kiristiliktiń tómendeýi jaǵdaiynda aiyrmanyń ótemaqysyna memleket kepildik beredi.
Zeinetaqy aktivterin investitsiialyq basqarý men esepke alý júiesi tolyqtai ashyq: árbir salymshynyń enpf.kz saityndaǵy nemese uialy qosymshadaǵy jeke kabinetinen óziniń investitsiialyq kirisin kórýge múmkindigi bar.
BJZQ zeinetaqy aktivterin investitsiialyq basqarý jáne olar ornalastyrylǵan qarjy quraldary týraly aqparat Qordyń (www.enpf.kz) resmi saityndaǵy «Statistika jáne analitika/Zeinetaqy aktivterin investitsiialyq basqarý» bóliminde jariialanady.
