Bishkektegi jekemenshik mektepterdiń birinde jappaı ýlaný tirkeldi. Ýlanǵandardyń bári túski asqa shaýrma jegen, dep habarlaıdy Dalanews.kz 24.kg saıtyna silteme jasap.

Qyrǵyzstan Densaýlyq saqtaý mınıstrliginiń málimetinshe, 31 qazanda saǵat 22:30-da Respýblıkalyq klınıkalyq juqpaly aýrýlar aýrýhanasyna taǵamnan ýlaný belgileri bar naýqastar túse bastaǵan. Barlyq naýqastyń 12:00-13:00 aralyǵynda mektep ashanasynda shaýrma jegeni anyqtaldy.

Barlyǵy 58 naýqas medısınalyq kómekke júgingen, olardyń 54-i - bala.

"7 bala jáne 2 eresek aýrýhanaǵa jatqyzyldy, jaǵdaıy turaqty. 49 naýqas qaraýdan jáne medısınalyq kómek kórsetilgennen keıin tıisti nusqaýlyqpen ambýlatorlyq emdeýge jiberildi. Barlyq naýqastan taldaýlar alyndy", - delingen jarıalanymda.

Sanıtarlyq-epıdemıologıalyq qyzmet mamandary bul oqıǵa boıynsha tergeýdi jalǵastyryp jatyr.