Áleýmettik jelide erekshe video qyzý talqylanyp jatyr. Kadrda 74 jastaǵy qazaqstandyq áje parashiýtpen sekirip, án aityp bara jatqanyn kórýge bolady, dep habarlaidy dalanews.kz.
Jelide jariialanǵanyna nebári bir táýlik ótse de, video kópshilik arasynda keń tarap úlgergen. Kóptegen jeli qoldanýshysy zeinetkerdiń batyldyǵy men ómirge degen qushtarlyǵyna tánti bolǵan.
Málimetke súiensek, bul video Jerorta teńizi men Egei teńizderiniń túiisken jerinde ornalasqan Túrkiianyń ońtústik-batysyndaǵy kórkem qala - Fethiede túsirilgen.
Pikir jazǵandardyń kóbi bul áreketti jasqa qaramai belsendi ómir súrýdiń jarqyn úlgisi dep baǵalady.
"Tamasha! Ómir súrýdiń úlgisi - osy", - dep jazǵandar da az emes.
Sonymen qatar, keibir jeli qoldanýshylary videony jasandy intellekt kómegimen jasalǵan bolýy múmkin dep boljaǵan.
Soǵan qaramastan, video áleýmettik jelide belsendi taralyp jatyr. Al parashiýtpen sekirgen áje kópshilik úshin batyldyq pen ómirge degen qushtarlyqtyń simvolyna ainaldy.
