Bul josparda óńirlik saiasat dástúrli salalarǵa da, jańa baǵyttarǵa da – qazbalardy óndirýge, kólik-logistika salasyna, jańartylatyn energiia kózderi men týrizmge de syrtqy jáne ishki investitsiialardy tartýǵa negizdeletin bolady.
Brifing kezinde aimaq basshysy oblystyń balamaly energiia kózderin paidalana otyryp energetika salasyn damytýdaǵy múmkindiginiń mol ekenin atap ótti.
2025 jylǵa deiin jalpy qýaty 398 MVt bolatyn 320,2 mlrd teńgege 26 jobany iske asyrý jáne JEK úlesin 42%-ǵa deiin jetkizý josparlanýda. Onyń ishinde biylǵy jyly 179,5 MVt quraityn 6 nysan iske qosylady. Oblystyń elektr energiiasyn tutynýy 730,65 MVt, onyń ishinde menshikti óndiris 313,18 MVt, JEK úlesi – 78 MVt nemese 25%.
Eksporttyq, sondai-aq importtyq baǵytta júkterdi aýystyryp tieýge, saqtaýǵa jáne qoimalaýǵa baǵyttalǵan aýqymdy jobalardy júzege asyrý josparlanýda. Mysaly, «DAR RAIL Infrastructure» kompaniiasynyń Dostyq stantsiiasyndaǵy quny 25 mlrd teńge bolatyn, 150 jumys ornyn quraty júk tieý terminalynyń qurylysyn aitýǵa bolady. Joba Qazaqstan-Qytai shekarasy arqyly ótetin jylyna 9 mln tonnaǵa deiin júk pen 300 myń konteinerdi tieýdi, saqtaýdy jáne qoimalaý kózdelgen.
Mineraldyq shikizatty óndirý jáne qaita óńdeý salasyna da basa nazar aýdarylatyn bolady. Oblysta ýran-kómir ken oryndarynyń biregei qorlary, sondai-aq marganets, volfram, altynnyń bekitilgen qorlary, paidaly qazbalardyń úlken kólemdi ken oryndary bar.
– Durys jumys júrgize otyryp, týrizm salasyn ekonomikanyń tolyqqandy draiverine ainaldyrýǵa bolady. Almaty taý klasteri, Alakól jáne Balqash jaǵalaýlaryn, ulttyq tabiǵi saiabaqtardaǵy ekologiialyq týrizmdi damytý basymdylyqqa ie salalar bolyp tabylady. Almaty taý klasteri aiasynda jalpy somasy 546,7 mlrd teńgege 8 jobany júzege asyrý jáne 6 myńnan astam jumys ornyn qurý josparlanýda. 2025 jylǵa qarai jalpy óńirlik ónimdegi týrizmniń úlesi 6% - ǵa deiin artady, – dedi spiker.
Jalpy oblystyń 2025 jylǵa deiingi investitsiialyq portfeli qurylyp, oǵan 19 myń adamǵa jumys beretin jalpy somasy 2,8 trln. teńge bolatyn 289 joba engizildi.
