2026 jylǵa deıin Almaty oblysynda 45 ga jerge 10 iri jylyjaı qoldanysqa beriledi. Osy baǵyttaǵy aldaǵy joba-jumystardy Almaty oblysy ákimi Qanat Bozymbaev baspasóz máslıhatynda aıtty, – dep habarlaıdy Dalanews.kz.

İri jylyjaılardyń ashylýy kókónisterdiń jalpy óndirisin 2 esege arttyryp, 500-den astam jumys ornyn qurýǵa,  jyl boıy kókónis óndirýge kóshýdi qamtamasyz etýge múmkindik beredi.

– Taldaý oblystaǵy jylyjaı bıznesin damytýdyń paıdasyn kórsetti. Jylyjaılarda ónimdilik ashyq topyraqta ósirýmen salystyrǵanda 7 ese joǵary, sondaı-aq maýsymaralyq kezeńde halyqty kókónispen qamtamasyz etýge múmkindik beredi jáne baǵanyń turaqtanýyna áser etedi, – dep túıindedi Qanat Bozymbaev.

Aıta keteıik, búgingi tańda óńirde 105,5 myń gektardy quraıtyn 102 jylyjaı jumys isteıdi, olar 36 myń tonna kókónis óndiredi.