Al bizdiń sheneýnikter qandai? Olardyń qarapaiym halyqtan alystyǵy sondai, biz olardy kúndelikti ómirde kórmeimiz de. Olar kástóm-shalbaryn ómiri sheshpeitin siiaqty. Qatyp qalǵan qasań ustanym. Halyqpen qatynasta da olar dál osy kástóm-shalbaryn sheshpei sóilesedi. Halyqtan biik turǵysy keledi, osy arqyly. Óziniń de adam ekenin, óziniń de kem-ketigi baryn kórsetip qoiýdan, bildirip qalýdan ólerdei qorqady.
Baiqar bolsańyz, bizdiń sheneýnikterdiń halyqpen aradaǵy bailanysynda da kommýnistik ideologiiadan qalǵan sol bir óktemdik, anyǵyraq aitsaq, əmirshildik bar. Ózin saýatty, aqyldy etip kórsetýge tyrysý…
Əldebir oqys jaǵdai oryn alsa, jurtpen júzdesýge məjbúr bolatyn əkim-qara dúiim eldiń aldynda kishireigisi kelmeidi. Kerisinshe ózinshe ursyp-sógip, aqyl-keńes aitqansyp sóileidi.
Al Saakashvili she? Ony ittiń etinen jek kóretin bir top bar. Olar – reseishilder. Óte yqpaldy, óte qaýipti ári óte kekshil top. Reseishilderdiń ony nege jek kóretini belgili. Ol antireseishil, óitkeni. Álemdik baspasózdiń pikirinshe, shyntýaiynda Pýtinniń №1 jaýy – AQSh-ta, Batys ta emes, dál osy – Saakashvili eken.
Onyń Kremlge qatysty aitqan keibir boljamdary dál keldi. 2013 jyldyń qyrkúieginde Saakashvili Birikken Ulttar Uiymynyń (BUU) Bas Assambleiasynda sóilegen sózinde: «Ózin áli de bolsa imperiia sanaityn Kreml bir kezgi shashyratyp alǵan shekarasyn qaita qalpyna keltirýge tyrbanyp jatyr», – dedi ol.
Ókinishtisi, ol kezde onyń sózin eshkim estigen de, elegen de joq. Eki jyl ótti. Eki jyldan keiin Batys liderleri sol jolǵy Saakashvili sóziniń shyndyqqa ainalǵanyn uqty.
Ol: «Pýtin týraly tipti oilamaýǵa tyrysam» degen bir joly. «Bul kisiniń atyn estisem, júregim loqsidy» degen de osy Saakashvili.
Mine, sói degen Saakashvili ári reseishil, ári orystildi Qazaqstanǵa kelýi múmkin be? Aitalyq, bilik oǵan bir oryn usynar ma edi? Joq, árine.
«Kelgim keledi» degen kúnniń ózinde at-tonymyzdy ala qashar edik. Qudai biledi, kelgen kúnniń ózinde biz ony syidyrmas edik. Tipti, Qazaqstannan tiri qaitýy kúmándi bolar edi...
Áitpese, kózqarasy men ustanymy jaǵynan Saakashvilige uqsaityn, týrasyn aitqanda qoǵamnyń sanasy men júieni ózgertýge talpynǵan saiasi tulǵalar bizde de boldy emes pe?! Biraq, solar qazir qaida? Halyq biledi...
Bilik oǵan bir oryn usynar ma edi? Baiqasaq, bizdiń bulai oilaýymyzdyń ózi ýtopiia eken. Shynymen, múlde qisynǵa kelmeidi.
Birinshi sebebi: Odessa gýbernatorynyń qyzmetine kiriskeli beri ol «beker otyratyn» 600 qyzmetkerdiń jartysyn jumysynan qýypty. «Aǵa», «kókeleriniń» qabaǵyna qaramaǵan. Onyń ornyna belsendiler men eriktilerdi otyrǵyzǵan. Qazaqstanda oǵan bulai jasaýǵa kim «ruqsat» beredi?
Ekinshisi: Saakashvilidiń atyn estise, kirpidei jiyryla qalatyn Kreml buǵan jol beredi degenge taǵy senbeimiz. Ózińiz oilańyzshy, Reseidiń aitqanynan shyqpaityn Qazaqstan Pýtinniń №1 jaýyna bilikten bir oryn usynýy múmkin be? Joq, árine.
Anyǵynda, Ýkrainanyń saiasi elitasy da Saakashvilige áreń shydap júr.
Muny ózi de aitqan: «Ýkrainada maidan bolǵanmen burynǵy saiasi elita sol ornynda qalypty. Saiasi elitanyń sapyn ózgertpegen tóńkeris qoǵamdy ózgertipti. Meni naq osy qoǵam, halyq qoldap otyr. Áitpese, baiaǵyda-aq tyrqyratyp qýyp shyǵar edi. Grýziia prezidenti bolǵanda eldi qolynan súirep ilgeri júrýge itermeleitin edim. Munda kerisinshe, bilik halyqtyń sońynan ilesip barady», – deidi ol.
Ýkrainamen salystyrǵanda biz múlde bólek álembiz.
Ishtei biz ózimizdi Orta Aziiadaǵy, qazirgi túsinikpen alyp qaraǵanda, əli de bolsa «orta ǵasyrda» ómir súretin keibir memleketterden artyq qoiamyz. Anyǵy, artyq eshteńemiz joq.
Dýman BYQAI
