Goloshekın[/caption]
Qazaqstandaǵy asharshylyqqa sol ýaqyttaǵy Qazaqstan Ólkelik partıa komıtetiniń birinshi sekretary, jalǵyz Goloshekın kináli me? Joq.
Qazaqstanda osy dáýirde onymen tizeles júrgen qazaq azamattary boldy. Mysaly, Oraz Isaev 1925-1929 jyldar arasynda Ólkelik komıtettiń ekinshi hatshysy, ıaǵnı Goloshekınniń orynbasary boldy. 1929-1938 jyldary respýblıka Halyq komısarlary keńesiniń tóraǵasy qyzmetin atqardy.
İzmuhan Quramysov 1930-1933 jyldar aralyǵynda sol Ólkelik komıtettiń ekinshi hatshysy qyzmetin atqardy. Sondaı-aq basqa da jaýapty, osyndaı iri qyzmetter atqarǵan adamdar bar edi. Olar osyndaı zobalańdy kórmedi me? Kórdi. Biraq shenqumarlyqtan asa almady. Demek, sol ashtan qyrylǵandardyń qany sol Goloshekınniń emes, óz ishimizden shyqqan jandaıshaptardyń da moınynda.
İlgeride atyn aıtyp ketken Oraz Isaev keıinnen bylaı dedi: «Ana jylǵy qıynshylyqty (1930-1932 jyldardy aıtady) árkim ártúrli túsinedi. Oǵan kim kináli? Qazaq eńbek ete almaıtyn halyq. Sosıalısik qurylystyń qarqynyna ilese almaı qıynshylyqqa ushyrady». Baıqar bolsańyz, «qıynshylyqqa» dedi. «Qyrǵynǵa ushyrady» degen joq.
Myńdaǵan jyldar eńbek etip, kún kórip kelgen halyq sol bir-eki jylda eńbek etýdi umytyp qalyp pa?
Zeıtin Aqyshevtyń esteliginen
Maqala «Qyzyldar qyrǵyny» kitabynyń negizinde ázirlendi
