گولوششەكين[/caption]
قازاقستانداعى اشارشىلىققا سول ۋاقىتتاعى قازاقستان ولكەلىك پارتيا كوميتەتىنىڭ ءبىرىنشى سەكرەتارى، جالعىز گولوششەكين كىنالى مە؟ جوق.
قازاقستاندا وسى داۋىردە ونىمەن تىزەلەس جۇرگەن قازاق ازاماتتارى بولدى. مىسالى، وراز يسايەۆ 1925-1929 جىلدار اراسىندا ولكەلىك كوميتەتتىڭ ەكىنشى حاتشىسى، ياعني گولوششەكيننىڭ ورىنباسارى بولدى. 1929-1938 جىلدارى رەسپۋبليكا حالىق كوميسسارلارى كەڭەسىنىڭ ءتوراعاسى قىزمەتىن اتقاردى.
ءىزمۇحان قۇرامىسوۆ 1930-1933 جىلدار ارالىعىندا سول ولكەلىك كوميتەتتىڭ ەكىنشى حاتشىسى قىزمەتىن اتقاردى. سونداي-اق باسقا دا جاۋاپتى، وسىنداي ءىرى قىزمەتتەر اتقارعان ادامدار بار ەدى. ولار وسىنداي زوبالاڭدى كورمەدى مە؟ كوردى. ءبىراق شەنقۇمارلىقتان اسا المادى. دەمەك، سول اشتان قىرىلعانداردىڭ قانى سول گولوششەكيننىڭ ەمەس، ءوز ىشىمىزدەن شىققان جاندايشاپتاردىڭ دا موينىندا.
ىلگەرىدە اتىن ايتىپ كەتكەن وراز يسايەۆ كەيىننەن بىلاي دەدى: «انا جىلعى قيىنشىلىقتى (1930-1932 جىلداردى ايتادى) اركىم ءارتۇرلى تۇسىنەدى. وعان كىم كىنالى؟ قازاق ەڭبەك ەتە المايتىن حالىق. سوسياليستىك قۇرىلىستىڭ قارقىنىنا ىلەسە الماي قيىنشىلىققا ۇشىرادى». بايقار بولساڭىز، «قيىنشىلىققا» دەدى. «قىرعىنعا ۇشىرادى» دەگەن جوق.
مىڭداعان جىلدار ەڭبەك ەتىپ، كۇن كورىپ كەلگەن حالىق سول بىر-ەكى جىلدا ەڭبەك ەتۋدى ۇمىتىپ قالىپ پا؟
زەيتىن اقىشيەۆتىڭ ەستەلىگىنەن
ماقالا «قىزىلدار قىرعىنى» كىتابىنىڭ نەگىزىندە ازىرلەندءى
