Onyń aitýynsha, ótken jyly balalardy mektepke elektrondy túrde qabyldaý júiesi engizilgen. Ondaǵy maqsat – balalardy mektepke ornalastyrýda ashyqtyqty, aiqyndyqty qamtamasyz ete otyryp, adami faktordyń oryn alýyna jol bermeý. Byltyrǵy jyly jańasha júieniń kómegimen qala mektepteriniń 1-synybyna 21 945 oqýshy qabyldansa, 23 395 búldirshin balabaqshaǵa barýǵa múmkindik alǵan.
– Tsifrlyq bilim berý resýrstaryn damytý arqyly oqytýdyń mazmundylyǵyna, sybailas jemqorylyqtyń aldyn alýǵa baǵyttalǵan jumystarǵa kóńil bólý máselesi de qolǵa alyndy. Aitalyq, muǵalimderdi irikteýdegi ashyq konkýrs, oqýshylardyń mekteparalyq aýystyrý jáne jeke is-paraǵyn júrgizý protsesteri elektrondy túrde atqarylýda, – dedi oblystyq bilim basqarmasynyń basshysy Isatai Ómirzaquly.
Qazirgi tańda Shymkent qalasyndaǵy bilim berý mekemelerine ustazdardy qabyldaý jumystary da elektrondy júiege aýysqan. Jumys izdegen kez-kelgen azamat www.thunter.shymkent.gov.kz saityna kirip, muǵalimder úshin qandai bos jumys oryndary jariialanǵanyn bile alady jáne qujat tapsyrýǵa múmkindik alady. Búgingi kúnge deiin jańasha júiemen 501 pedagog jumysqa qabyldanǵan.
Bul júie mektepterdegi oqý-tárbie isinde de tiimdi paidalanylýda. Atap aitsaq, qaladaǵy 40 bilim uiasyna elektrondy basqarý apparattyq-baǵdarlamalyq kesheni engizilgen. Jańasha júie ornatylǵan mektepterge júrgizilgen taldaý jumystarynyń qorytyndysy boiynsha aldyńǵy jyldarmen salystyrǵanda sońǵy oqý jylynda sabaqtan sebepsiz qalý deńgeii 75%-ǵa kemip, oqýshylardyń úlgerimi 12%-ǵa paiyzǵa joǵarylaǵan.
Aita keteiik, jobanyń nátijesinde, balabaqshaǵa joldama alý, qyzmetke turýda para talap etý, balalardy mektepke ornalastyrýda tamyr-tanystyqqa jol berý týraly narazylyq bildirgen qala turǵyndarynyń aryz-shaǵymdar aitarlyqtai tómendegen.
OQO ákiminiń baspasóz qyzmeti
https://dalanews.kz/33875
