– Úkimettiń otyrysynda elimizdiń 2017 jylǵy áleýmettik-ekonomikalyq damý qorytyndylary aitylyp, aldaǵy ósimdi qamtamasyz etý jónindegi sharalar talqylandy. Keńeitilgen otyrystyń qorytyndysy boiynsha Elbasy indýstrialandyrý, «Nurly jol» men «Nurly jer» memlekettik baǵdarlamalary men Ult jospary – 100 naqty qadamnyń iske asyrylýy, qoǵamdyq sanany jańǵyrtý, zańnyń ústemdigin qamtamasyz etý, sybailas jemqorlyqpen kúres baǵyttarynda jumystardy qatań baqylaýǵa alyp, naqty nátijege qol jetkizýdi tapsyrdy. Sonymen qatar Memleket basshysy oblys ákimderine baǵa naryǵyn turaqtandyrýdy, halyqtyń ál aýqaty basty nazarda bolý qajettigin tapsyryp, kómir máselesimen qamtamasyz etýdi, kóktemgi tasqyn sýdyń aldyn alý boiynsha tiisti jumystardy atqarýdy júktedi, – dedi oblys ákimi J.Túimebaev.
Úkimettiń keńeitilgen otyrysynda Prezident tsifrlandyrý júiesiniń tiimdiligine keńinen toqtalǵanyn jetkizgen oblys ákimi bul másele boiynsha Elbasy óz Joldaýynda jan-jaqty aityp, naqty tapsyrmalar júktegenin atap ótti.
– Osy oraida, tsifrlandyrý júiesin ónerkásip pen densaýlyq saqtaý jáne bilim berý salasyna endirý boiynsha jumystardy kúsheitýdi, sondai-aq tsifrlandyrýdy basqa salaǵa da engizý úshin arnaiy top quryp, shuǵyl tiisti sharalardy qolǵa alýdy tapsyramyn. Budan bólek, oblysta aýyl sharýashylyǵy, ónerkásip jáne týrizm baǵytyn damytý boiynsha qajetti sharalardy kúsheitýimiz qajet. Munyń ishinde aýyl sharýashylyǵy óńirdiń ekonomikalyq draiveri. Sondyqtan da basqarmaǵa Aýyl sharýashylyǵy ministrligimen birlese otyryp, damytýdy qajet etetin baǵyttardaǵy jumystardy jetildirýdi jáne nátijeli kórsetkishke qol jetkizip, sapaly ónim shyǵaryp eksport kólemin arttyrýdy júkteimin, – dedi J.Túimebaev.
Jiynda aýdan, qalada investorlardy tartý boiynsha belsendi áreketke kóshý kerektigin eskertken oblys basshysy barlyq ákimderge kásiporyndar ashýdy jáne turǵyndardyń ál aýqatyn jaqsartý baǵytyndaǵy jumystardy basty nazarda ustaýdy júktedi.
Selektorlyq májilisti qorytyndylaǵan óńir basshysy Úkimet qabyldaǵan barlyq baǵdarlamalar men biylǵy Joldaýda qoiylǵan mindetterdi tolyq oryndaý aldymyzda turǵan basty mindet ekendigin aityp, ony júzege asyrýǵa jumylýǵa shaqyrdy.
OQO ákiminiń baspasóz qyzmeti
https://dalanews.kz/31022
