Pedagogıkalyq oqýlardyń negizgi maqsaty- bilim berý salasynda qyzmetkerlerdiń pedagogıkalyq sheberligin jetildirý, eń úzdik ınnovasıalyq pedagogıkalyq tájirıbeni jalpylaý jáne keńinen taratý.
Pedagogterdiń ǵylymı- zertteý áreketin yntalandyrý, talantty pedagogterdi anyqtaý, olardy qoldaý jáne madaqtaý, pedagog- zertteýshi eńbeginiń bedelin arttyrý, pedagogıkalyq tájirıbeni jalpylaý túrlerin jetildirý, pedagogterdiń ǵylymı- ádistemelik jáne praktıkalyq qyzmetin nasıhattaý- pedagogıkalyq oqýlardyń mindetteri bolyp tabylady.
Jalpy respýblıkalyq pedagogıkalyq oqýlarǵa 7803 bilim berý uıymdarynan 32824 pedagog qatysty. Aýdandyq (qalalyq) jáne oblystyq kezeńderdiń qorytyndysy boıynsha 122 eń úzdik qorytyndy jumys respýblıkalyq kezeńge usynyldy.
II Respýblıkalyq Pedagogıkalyq oqýlarynyń jumysyna Rahymjanov Ámirhan Muratbekuly, Qazaqstan Respýblıkasy Bilim jáne ǵylym Mınıstrliginiń jaýapty hatshysy qatysty. Ol pedagogıkalyq forýmǵa qatysýshylaryna quttyqtaý sózderin joldap, memleketimizdiń bilim berý saıasatynyń negizgi baǵyttaryn belgiledi. Óz sózinde Ámirhan Muratbekuly «Órleý» BAUO» AQ Qazaqstan Respýblıkasynyń BjǴDMB strategıalyq baǵytyn júzege asyrýdaǵy qyzmetine joǵara baǵa berdi: «Bizdiń barlyq kúsh- jigerimiz basty mindetterdi sheshýge baǵyttalýy tıis – bul tárbıe jaǵdaıyn qamtamasyz etý, tıisti ómir talaptaryna jáne naryqtyq ekonomıka jaǵdaıyna saı, óz bilimi men mádenıetin úzdiksiz arttyrý qabileti bar, álemdik aqparattyq keńistikte ıntegrasıalanǵan, erkin jáne syn turǵysynan oılaı alatyn tulǵany damytý». Sonymen qatar, ol «Órleý» BAUO» AQ Qazaqstan Respýblıkasynyń BjǴDMB strategıalyq baǵytyn júzege asyrýdaǵy qyzmetine joǵara baǵa berdi.
Pedagogıkalyq oqýlardyń jumysy strategıalyq zerthanalar formatynda 8 basym baǵyt boıynsha uıymdastyryldy. Bul bilim berýdi damytýdyń basym baǵyttary boıynsha pedagogterdiń óz jumys tájirıbesin usynýy aldaǵy bilim mazmunyń jańartý kezeńimen baılanysty jańa mindetterdi sheshýge baǵyttalǵan kóptegen ınovasıalyq ıdeıalardy kórýge múmkindik berdi. Pedagogıkalyq oqýlarǵa qatysýshylardyń jumysy ár túrli formada usynyldy: ınovasıalyq joba; avtorlyq baǵdarlama; bilim berý uıymynyń damý baǵdarlamasy.
Pedagogıkalyq oqýlarda 2016-2019 jj arnalǵan bilim berýdi damytýdyń Memlekettik baǵdarlamasyna sáıkes bilim men ǵylym júıesiniń negizgi trendterin aıqyndaıtyn suraqtar qarastyryldy: úshtildi oqytýdy engizý, bilim mazmunyń jańartý, AK quzyrettilikti jetildirý, mobıldi oqytýdy engizý, bilim berý ortanyń basqarýshylyq, ǵylymı- ádistemelik, tehnologıalyq jáne resýrstyq negizin jańartý, tulǵany áleýmettendirý, «Máńgilik El» ulttyq ıdeıa mánmátininde tárbıeleý, tehnıkalyq jáne kásibı bilim berý júıesin modernızasıalaý.
Saraptamalyq qazylar alqasy qatysýshylardyń jumysyn baǵalaý barysynda pedagogterdiń jumys mazmunynyń ınovasıalylyǵyn, onyń tájirıbelik baǵytyn atap ótti. Keshendi baǵalaý barysyna qatysýshylardyń prezentasıalyq biliktiligi de eskerildi.
Muǵalimder men bilim berý uıym basshylarynyń shyǵarmashylyq jumystarynyń mazmunynyń tereńdigi kóbinese pedagogıkalyq zertteýlerge ǵylymı kózqarasty qamtamasyz etti. Komısıa músheleriniń aıtýy boıynsha, usynylǵan jumystardyń kóbinde ınovasıalyq ıdeıalar basym, olar aldaǵy ýaqyttaǵy bilim mazmunyń jańartý máseleleri boıynsha mindetterdi sheshýmen baılanysty bolady. Sonymen qatar, qazylar alqasy qatysýshylardyń ishinde birigeı tájirıbesimen jáne jekeleı erekshe qasıetterimen kózge túsken muǵalimder men mektep basshylaryn atap ótti.
Eki kúndik Pedagogıkalyq oqýlardyń qorytyndysy boıynsha Respýblıkalyq Pedagogıkalyq oqýlarynyń jeńimpazdar men júldegerler anyqtaldy:
Birinshi dárejeli dıplommen jáne 89000 teńge aqshalaı syılyqpen marapattaldy:
Mektepke deıingi tárbıe jáne oqytý
Nysanbaeva Bekzat Beıbitqyzy, Almaty qalasy
Bastaýysh bilim berý
Jaksylykova Janara Jýmagýlovna, Pavlodar oblysy
Orta bilim berý
Elıkbaeva Aıgýl Mamyrbekovna, Almaty oblysy
Tulǵany tárbıeleý jáne áleýmettendirý
Seıtbek Medet Meshitbekuly, Mýhanova Kýralaı Ablaıhanovna, Karagandy oblysy
Qosymsha bilim berý
Býgınas Bronıslavas Kazısovıch, Astana qalasy
Tehnıkalyq jáne kásibı bilim berý
Baıbýsynov Nýrzat Serıkovıch
Myltykbaeva Jannat Toleýbekovna, Astana qalasy
Joǵary bilim berý
Shaıahmetova Aısýlý Alkeshovna, Akmola oblysy
Pedagogıkalyq menejment
Aýbakırova Alma Medetovna, Keldıbaeva Bahtygýl Omarhanovna, Shaıhynova Týrsyngýl Sagatbekovna, Shyǵys Qazaqstan oblysy.
Ekinshi Respýblıkalyq Pedagogıkalyq oqýlarynyń úzdik komandasy bolyp Astana qalasynyń komandasy ataldy.
Marapattaý rásimine oblysymyzdyń JOO-nyń rektorlary qatysty: Altynbek Nýhýly, hımıa ǵylymdarynyń doktory, profesor, Pavlodar memlekettik pedagogıka ınstıtýtynyń rektory; Frezorger Larısa Anatolevna, Eýrazıalyq Inovasıalyq ýnıversıtetiniń qarjy jáne damý jónindegi vıse-prezıdenti; Nýrgojın Rınat Jaskaıratovıch, S.Toraıǵyrov atyndaǵy PMÝ akademıalyq qyzmetti basqarý Departamentiniń dırektory. Olar jeńimpazdar men júldegerlerdi JOO-men uıymdastyrǵan baǵaly júldemen jáne syılyqtarmen marapattady.
Pedagogıkalyq oqýlardyń jeńimpazdary men júldegerlerin quttyqtaımyz!
Qoǵam ıgiligine baǵyttap otyrǵan eren eńbekterińizdiń elimizdiń nyǵaıýyna ózindik úlesi bar. Osynaý ıgilikti iste qanattaryńyz talmasyn, qajyr-qaırattaryńyz qashanda arta bersin, sizderge shyǵarmashylyq tabys tileımiz.
«Órleý» BAUO» AQF Pavlodar oblysy
boıynsha PQ BAI baspasóz ortalyǵy
