Gúrji eline saiahat: 27 maýsym 2016

Qonaqjailylyǵy, sulý da kórkem tabiǵaty jáne júzim sharaby, taǵy basqa da erekshelikterimen este qalatyn Grýziia elinde 2016 jyly 6 -12 maýsym aralyǵynda elimiz BAQ-tarynyń bir top jýrnalisimen birge «Qala men Dala» gazetiniń tilshisi saparlap baryp qaitty. Eki el arasyndaǵy týristik yntymaqtastyqty damytý maqsatynda uiymdastyrylǵan sapardyń uiytqsy – «SSAT» áýe kompaniiasy men Brandworks týristik agenttigi. Osy sapar kezinde «SSAT» áýe kompaniiasynyń Almaty – Aqtaý – Batými baǵytynda jańa reisi ashylǵan bolatyn.

[caption id="attachment_16893" align="alignright" width="829"]

Baspasózge qatysýshylar[/caption]

Qarateńiz jaǵalaýyndaǵy Batými qalasynda maýsymnyń 7 kúni qala meri Georgi Ermakov, QR Elshiliginen Muratbek Mádimaruly, Grýziia Respýblikasy qarjy ministrliginiń orynbasary Dmitrii Gýmsishvili, «SSAT» áýe kompaniiasynyń marketinig salasy boiynsha prezidenti Aleksandra Sytnik bastaǵan, odan ózge týrizm salasynyń mamandary men týristik kompaniialar, eki eldiń jýrnalisterine arnap baspasóz máslihatyn ótkizdi.

Konferentsiiada eki el arasyndaǵy týrizm salasynyń damý barysy ári keleshegi jaiynda keleli áńgime órbidi. Óz kezeginde sóz alǵan qala meri Georgi Ermakov ótken jyldarmen salystyrǵanda Gýrziiaǵa saiahattap kelýshilerdiń sany aitarlyqtai artyp kele jatqanyn tilge tiek etti. Naqty málimet boiynsha biyl jyl basynan beri 2 million 150 myńnan astam saiahatshylardy qabyldaǵan. Bul tek bes ai kólemindegi kórsetkish.

Grýziiada saiahatshylarǵa barlyq jaǵdai jasalǵan. Bul jaiynda «Biz bir-aq ret keletin qonaqtar úshin emes, týristerdiń qaitalai kelýi jáne turaqty qonaqqa ainalýy úshin tamasha jaǵdailar ázirleýge tyrystyq» deidi qala meri. Buǵan qyzmet kórsetýdiń sapalyǵy jáne qarjylyq tiimdiligi, qaýipsizdik, týristerge qala halqynyń kishpeiil qarym-qatynasy oń yqpal eterin de esten shyǵarmady. Ásirese, qazaqstandyq týristerdiń osy qalaǵa kelýleri úshin áýejolynyń ashylýy qýantarlyq jait ekenin de esten shyǵarmady.

Qarateńiz jaǵasyndaǵy Batými ainalasyn taýlar qorshaǵan, tarihy bai eski shahardyń biri. 400 myń halqy bar shaǵyn qala bolǵanymen, onda álemdik deńgeidegi «Hilton», «Sheraton», «Radissonbul» sekildi bes juldyzdy qonaq úiler óz qaridarlaryna sapaly qyzmet kórsetip keledi. Al «Swis Hotel», «Growene Plaza» sekildi kórkem bezendirilgen, ertegidegi han sarailary sekildi qonaq úiler jýryq arada boi kótermek.

Teńiz jaǵalaýynda salqyn aýamen dem alyp, teńiz taǵamdary, sondai-aq, qonaqjai grýzinderdiń dámdi as mázirinen jáne kóptegen eýropalyq ashanalardan dámi til úiiretin san alýan tamaq túrlerimen dám tata alasyz. Kúndiz jáne keshki ýaqytta shaǵyn qalany velesipedpen aralaýǵa múmkindigińiz bar. Ony kez-kelgen veleturaqqa tapsyryp ketýge bolady. Árine shaǵyn kemelermen teńizde júzýge de bar jaǵdai jasalǵan.

Kúndiz-túni dýmandy Batými jaǵalaýynda jyl saiyn kóptegen mádeni keshter jáne álemge áigili óner juldyzdarynyń qatysýymen kontsertter ótip jatady. Mysaly, «Maroon 5» tobynyń ashyq aspan astyndaǵy kontsert keshine kýá boldyq.

[caption id="attachment_16905" align="alignright" width="435"]

Úńgirdegi eski shirkeýlerge tabynýshylar kóp keledi[/caption]

Myńdaǵan týrister arnaiy osy kesh úshin kelse, jalpy qatysýshylar sany 35 myńnan astam adamǵa jetken. Jyl basynan beri Qazaqstannan 12 myńǵa jýyq saiahatshy kelgen. 2015 jyly 35 myńnan astam Qazaqstandyqtar Gýrziia eline saiahattasa, bul 2014 jylmen salystyrǵanda 30 paiyzǵa artqan. Qazaqstandy týrizm salasyndaǵy Grýziia Respýblikasynyń ekonomikasyna áser etýshi el ekenin aitqan Gýmsishvili biylǵy jyly 50 myńnan asatyn shyǵar degen úmiti bar ekenin jasyrmady. Aitpaqshy, Batými qalasynyń portynda kóptegen qazaqstandyq kompaniialar da jumys isteidi.

[caption id="attachment_16898" align="alignright" width="402"]

Eski qorǵandary kóp el[/caption]

Joǵaryda aitqanymyzdai, Týrizm ulttyq agenttigi tek bes ai kórsetkishinde 2 million 150 myńdai týrist Grýziia eline saiahattaǵanyna qaraǵanda biylǵy jyly rekordtyq mejeden asatyndyǵyn josparlap otyr. Jalpy 88 paiyz saiahatshyny jaqyn shetelden kelýshiler quraidy eken. Onyń 27 paiyzǵa jýyǵy Qazaqstandyqtar. «Biylǵy jyly 5 maýsymda «Scat» áýe kompaniiasy «Aqtaý – Sochi, Aqtaý – Batými» baǵytynda halyqaralyq jańa reisterge jol ashty. Arnaiy taǵaiyndalǵan «Boing 737» ushaǵy Almaty, Astana, Shymkent, Atyraý jáne Aqtóbe qalalarynan Batými qalasyna Aqtaý arqyly ushýǵa jaǵdai jasalǵan» dedi osy kompaniianyń marketing salasy boiynsha vitse-prezidenti Aleksandra Sytnig. Onyń aitýynsha, qazirgi kezde áýe reisiniń bul baǵyttaǵy baǵalary da qoljetimdi.

[caption id="attachment_16899" align="alignright" width="411"]

Qaharmandar qalasy sanalatyn tarihi shaharlary kóp[/caption]

Jer kólemi shaǵyn, tórt milliondai jan sany bar Grýziia memleketi aitsa aitqandai kórkem tabiǵatymen, tarihi arhitektýrasymen janyńyzdy baýraidy. Astanasy Tbilisi qalasy eski jáne jańa bolyp ekige bólinedi. Bir tańǵalarlyǵy, Keńes odaǵynan otaý bólgen el bola tura, grýzin jastary orys tilinde múldem sóilemeidi. Tipti, bilmeidi de. Óz ana tilin qurmetteitin grýzin qarttary ǵana orys tilinen habardar. Áiteýir qonaqtarmen tilin burap tildese alady. Al jastar jaǵynan birdeńe surai qalsańyz, aǵylshyn ne óz ana tilinde jaýap beredi.

Tbilisiden basqa áigili «Borjomi», «Arteziian» sýsyndarymen aty shyqqan Borjomi qalasynda Túrkiia jáne Qazaqstan kompaniialary birlesip ashqan «REXOS» qonaq úiinde demala alasyzdar. Tarih qatparlarynan syr shertetin taý úńgirleri qalasynyń san ǵasyrdyń aldynda qashalǵan shirkeýler men turǵyn úiler jáne sharap ashytatyn oryndary tań qaldyrmai qoimaidy.

[caption id="attachment_16900" align="alignright" width="719"]

Múlgigen tynyshtyqtaǵy teńiz kýrorty[/caption]

Qazirgi ataýy Vardzia jáne Ahaltsihe sekildi tabiǵaty shuraily aýdandar áli kúnge deiin sharap ashytý jáne aýylsharýashylyq jumystarymen ainalysýda. Adjari, Telavi, Mestiia, Gýdaýri, Býkariani aimaqtarynda tabiǵi fermerlik ónimdermen tamaqtanyp, emdeý-saýyqtyrý kýrorttarynda em alýǵa ábden bolady. Bul oryndardyń bárine baryp-qaitýǵa arnaiy shaǵyn avtobýstar men taksiler qyzmet kórsetedi. Myńdaǵan jyldardan syr shertetin tarihi hramdarǵa kirip, tamashalaý tegin.

[caption id="attachment_16901" align="alignleft" width="363"]

Sharap toly bóshkeler[/caption]

Tbilisi qalasyna qaita soǵar bolsaq, eski qalanyń eń kórkem, eńseli tusynda «Grýzinder anasy» atty monýment birden kóz tartady. Qalanyń ár jerinde sol tektes eskertkishter men mádeni-tarihi ǵimarattar sap túzese, ejelgi tarihi monshaǵa qoljetmdi baǵamen kire alasyz.

Álemde tynyshtyq jaǵynan aldyńǵy ondyqtyń qataryndaǵy eldiń biri osy – Grýziia. Ekonomikalyq damý jaǵynan jalpy kórsetkishte álem boiynsha 23 orynǵa turaqtaǵan. Keńestik elderdiń ishindegi damýy edáýir joǵary eldiń biri. Jalpy ortasha jalaqy 500 lari (75000tg), al zeinetaqy 120 lari ainalasynda. Bul kórsetkish halyq turmysynyń tym joǵary emes ekendigin bildirse de, qrapaiym jurtshylyq aqkóńil, ashyq-jarqyn, óz kúnderiniń kóńildi ótip jatqanyna riza. Qonaqjai Grýzin eline álemde 94 memleket vizasyz rejimmen baryp, úsh ai boiyna saiahattai alady. Munyń ishinde Qazaqstan Respýblikasy da bar.

Baspasóz týrdy uiymdastyrýshy Grýziia ulttyq týrizm agenttigi (GNTA) jáne QR «Scat» áýe kompaniiasy men Brandworks agenttigi.

Shattyq BATAN.

Gúrji eline saiahat

Oqi otyryńyz

Qarasha aiynda qazaqstandyqtardyń tutynýshylyq senimdiligi rekord ornatty

Investitsiia tartýda top bastaǵan Túrkistan oblysynda zaýattar salynyp, óndiris órkendeýde

Oryndalǵan missiia: keide órt sóndirýshiniń ózine de kómek kerek