Baibektiń zańgeri: «Mamai men onyń sybailastary úshin sóz bostandyǵy bos sóz»
Ózderińiz biletindei, sot jaýapkerler taratqan málimetterdi B.Baibektiń ar-namysy, abyroiy jáne iskerlik bedeline nuqsan keltiredi ári shyndyqqa sáikes kelmeidi dep tapty jáne olardy teristei otyryp, tiisti beinematerialdardy óshirýdi mindettegen bolatyn.
Sot otyrysy BAQ ókilderiniń qatysýymen onlain rejimde ashyq ári jariia túrde ótti. Sonymen qatar, men sot protsesine qatysty barlyq qujattardy kópshilikke ýaqtyly usynyp, egjei-tegjeili habardar etip otyrdym.
Apelliatsiialyq shaǵym jáne oǵan meniń pikirim týraly toqtalyp óteiin.
B.Baibektiń J.Mamai men I.Imanbaevaǵa qarsy talap-aryzy boiynsha shyǵarylǵan sot aktisi zańdy jáne tolyqtai negizdi. Al apelliatsiialyq shaǵymda keltirilgen dálelder múldem negizsiz.
Atap aitqanda, appeliatsiialyq shaǵym Qazaqstan Respýblikasy Azamattyq protsestik kodeksiniń 404 jáne 427-baptarynyń talaptaryna sáikes kelmeidi, sebebi bul qujatta (qosymsha tirkep otyrmyn) is úshin mańyzy bar jáne sheshimniń kúshin joiýǵa nemese ózgertýge negiz bolatyn jańa faktiler nemese birde-bir naqty dálel keltirilmegen.
Shaǵym zańdy túrde durys rásimdelmegen. 8 bettiń ishindegi 7,5 beti – bul tek shaǵym túsirip otyrǵan sot sheshiminen úzindilerden turatyn faktilerdiń sipattamasy men zań normalary ǵana. Iaǵni, osyǵan deiingi búkil otyrystardaǵydai J.Mamai men I.Imanbaeva jáne olardyń jalǵyz qalǵan zańgeri birinshi sot instantsiiasynyń sheshimin eki ǵana abzatsqa syiyp ketken bos sózben jáne rastalmaǵan dáleldermen daýlamaqshy.
Shaǵymnyń mazmunyna kelsek, bul jaýapkerlerdiń B.Baibekke qatysty keńinen taratqan málimetterine, tolyqtai jalǵan jáne negizsiz paiymdaryna esh dálel joq ekenin taǵy da kórsetip otyr.
Tańqalarlyǵy sol, buǵan deiin «masshtabty korrýptsiia» faktileri týraly barlyǵyn sendirgisi kelgen J.Mamai men I.Imanbaeva ózderiniń bergen shaǵymdarynda tek 2 másele – «Qazaqfilm» AQ jer ýchaskesi men avtobýs satyp alý týraly aitqan. Naqty aitqanda, jaýapkerler sotqa qandai da bir jańa qujat pen mańyzdy dálel keltirmegen. Al bul eki másele de buǵan deiin birinshi instantsiiadaǵy sotta barlyq rastaityn qujattardy zerttei otyryp, egjei-tegjeili qaralǵan bolatyn.
Endi osy máseleler boiynsha naqty aitsam. Aldynda dáleldengendei, «Qazaqfilm» AQ jer ýchaskesi «Rýhani jańǵyrý» memlekettik baǵdarlamasy aiasynda «Etnolend» jobasyn júzege asyrý úshin Almaty qalasynyń týrizm basqarmasyna berilgen. Joba mádeniet qairatkerleriniń qatysýymen qoǵamdyq tyńdaýdan ótken. Taǵy aita ketetin jait, bul ýchaske barlyq ýaqytta memlekettik menshikte bolǵan jáne búginge deiin memlekettik menshikte. «Qazaqfilm» AQ bolsa tek uzaq merzimdi jalǵa alý quqyǵyn ǵana ielengen. Jerdi berý zańdylyǵy úsh instantsiiadaǵy sotta tekserildi, bul týraly tiisti sot aktileri de bar.
«Etnolend» jobasy B.Baibek ákim bolyp turǵan shaqta bekitilgen. Biraq ony odan ári iske asyrý máselesi Almaty qalasynyń qazirgi basshylyǵynyń quzyretine jatady, sebebi 2019 jylǵy 28 maýsymnan bastap, iaǵni 2 jyldan astam ýaqyt B.Baibek ákim qyzmetin atqarmaidy.
Ekinshi másele boiynsha. Avtobýstardy satyp alý Qarjy ministriniń 2017 jylǵy 25 jeltoqsandaǵy buiryǵyna sáikes QR Qarjy ministrliginiń Memlekettik satyp alý komiteti tarapynan ortalyqtandyra otyryp júrgizildi. Iaǵni, Almaty ákimdigi tapsyrys berýshi ǵana bolyp avtobýstardy satyp alýǵa qatysý quqyǵyna ie bolǵan joq jáne osy sebepti satyp alý nátijesine eshqandai áser ete almady. Bul is materialdaryna qosa tirkelgen konkýrstyq qujattamamen rastalǵan.
Osylaisha, J.Mamai men I.Imanbaeva esh mazmunsyz, negizsiz apelliatsiialyq shaǵymy arqyly sheshimniń zańdy kúshine ený sátin jasandy túrde sozyp baǵýda dep naqty aitýǵa bolady.
Bárine belgili bolǵandai, jaýapkerler birinshi instantsiiadaǵy sotta barynsha kórsetken destrýktivti is-áreketin áli de jalǵastyryp baǵýda.
Isti qaraý merzimderiniń keshiktirilýi, qujattardyń ýaqtyly berilmeýi, negizsiz ótinishter men aryzdar, daýdyń máni boiynsha sóilemeý, sotqa jáne protsestiń barlyq qatysýshylaryna qurmetsizdik – mine osylar sot protsesi barysynda J.Mamai men I.Imanbaevanyń bar siqyn kórsetti.
Nátijesinde, men talapker tarapy retinde birinshi instantsiiadaǵy sottyń nazaryn advokattar men jaýapkerdiń ókilderi jibergen zań buzýshylyqtar faktisi boiynsha jeke uiǵarymdar shyǵarýǵa negiz bar ekenine aýdardym. Endi bul máseleni apelliatsiia deńgeiinde de kóterýdi josparlap otyrmyn.
Qurmetti dostar! Apelliatsiialyq shaǵymdy qaraý boiynsha sot alqasynyń otyrysy 2021 jylǵy 16 tamyzda saǵat 10.00-de, pandemiianyń keńinen taralýyna bailanysy online-formatta ótedi.
Men keltirgen shúbásiz dálelderdi eskere otyryp, sot alqasy birinshi instantsiiadaǵy sottyń sheshimin ózgerissiz qaldyrýy zańdy qubylys bolady dep esepteimin. Bul sheshim zańdy kúshine ene otyryp, J.Mamai men I.Imanbaevanyń B.Baibek týraly jariia málimdemeleriniń zań aiasynda jalǵan jáne negizsiz ekendigin dáleldeitin bolady.
Sonymen birge, jaýapkerlerdiń sottan keiin qoǵamdyq keńistikte júzege asyryp jatqan destrýktivti, jeke adamǵa ǵana emes, búkil qoǵam men memleketke ziian keltiretin teris piǵyldy áreketteri olardyń Demokratiia jáne Zań ústemdigi týraly jariia málimdemeleri «bir tiynǵa» tatymaitynyn kórsetedi. Sotta jariia túrde jáne oisyrai jeńilgen J.Mamai men I.Imanbaeva sot sheshimi olar úshin túkke turmaitynyn jáne ony oryndamaitynyn birden málimdedi.
Jazaǵa tartylmastan quqyq buza berýge ábden úirengen olar aldaryna jan salmai adamdarǵa betaldy jáne negizsiz jala jaba berýin toqtatar emes. Alaida, zańǵa sáikes jaýap beretin kez kelgende olar quqyq aiasyndaǵy áreketterdi birden «sóz bostandyǵyn jáne demokratiiany buzý» dep baǵalady. Bul – osy juptyń tsinizminiń, printsipsizdiginiń jáne qos standartty ustanatynynyń aidan anyq dáleli.
Shyn máninde, bular úshin Sóz bostandyǵy men Jeke bastyń qadir-qasieti – quny baqyr tiynǵa tatymaityn bos sózder. Buǵan aiqyn dálel – bizdiń daýymyz boiynsha sot sheshimi jariialanǵan kúni ózderi uiymdastyrǵan brifing kezinde óz «maskalaryn sheship», adamgershilikten jurdai shynaiy kelbetterin jáne moraldyq tabiǵatyn ashyp kórsetken J.Mamai men onyń sybailastarynyń jýrnalistke jasaǵan shabýyly.
Zańnyń ústemdigi – kez-kelgen zamanaýi demokratiialyq memlekettiń negizgi qaǵidasy. Ol barlyq azamattar tarapynan múltiksiz saqtalýy tiis.
Osy rette J.Mamai men I.Imanbaevanyń sot sheshimin oryndamaityny týraly jariia málimdemesi – elimizdegi konstitýtsiialyq qurylys pen quqyqtyq memlekettiń negizine kúmán keltiretin qaýipti oqiǵa.
J.Mamai men I.Imanbaeva úshin zańdar men sot sheshimderi qarapaiym formaldylyq qana. Iaǵni «qalasam – oryndaimyn, qalamasam – oryndamaimyn» qaǵidasyn ustanatynyn ashyq aitqany. Olar Qazaqstan Respýblikasynyń azamaty bola tura, úiinde, oshaq qasynda otyryp «ózderi úshin» jazyp alǵan konstitýtsiiamen ǵana ómir súre alamyz dep oilaidy. Olardyń destrýktivti áreketterine súiensek, qandai «quqyqtyq memleket» qurǵysy keletinin naqty boljaýǵa bolady.
Sondyqtan da, zańger jáne azamat retinde, qabyldanyp jatqan sharalar týraly ashyq habarlai otyryp jaýapkerlerdiń sot sheshimin zańda belgilengen merzimde tolyq oryndaýyna barlyq zańdy tásilder arqyly mindetti túrde qol jetkizetin bolamyz!
P.S. Sózderimniń rastyǵyna kóz jetkizý úshin men tómende apelliatsiialyq shaǵymnyń tolyq mátinin jáne oǵan pikirimdi (qarsylyǵymdy) qosa berip otyrmyn. Osyǵan deiingidei, J.Mamai men I.Imanbaeva tarapynan túrli alyp qashpa áńgimeler men burmalaýlardyń aldyn alý, sondai-aq ashyqtyq pen obektivtilikti qamtamasyz etý úshin óz paraqshamda apelliatsiia otyrysynyń online-transliatsiiasyn júrgizetin bolamyn.
Jazba Aijan Tashenovanyń Feisbýktaǵy paraqshasynan alyndy
