1 qazandaǵy resmi derekterge súiensek, óńirde 56 myńnan astam jumys orny qurylǵan. Onyń 30 101-i turaqty. Basym bóligi «Eńbek» nátijeli jumyspen qamtý jáne jappai kásipkerlikti qoldaý 2020-2021 jyldarǵa arnalǵan baǵdarlama negizinde qurylǵan.
Igi bastamanyń barlyǵy el áleýetin arttyrýǵa yqpal etkeni sózsiz. Aimaqtyń damýyna úles qosyp jatqan kásiptiń bir qataryn tizip shyqsaq. Infroqurylymdyq nysandar jaǵynan kósh bastaityn birden-bir óńir ol-Eńbekshiqazaq aýdany. Atalǵan jerde iri qurylys uiymdary jumys jasaidy. Sonyń biri «Altair» óndiristik kásibi. Bul uiym qurylys materialdaryn óndirýde jáne qurylys-montaj jumystaryn oryndaýda kóshbasshy bolyp tabylady. Aǵymdaǵy jyly 195-ten astam jumys ornyn ashqan.
Aidyndy Alakólde kóshten qalyspaq emes. Úsharal jerindegi «Baqytbek –Qaratal» JShS-ynda jyl basynan 120 jumys ony qurylǵan. Eńbekke tartylǵandardyń 2-ýi probatsiialyq baqylaýda esepte turǵandar eken. Esterińizge salamyz, atalmysh seriktestik balyq sharýashylyǵymen ainalysady.
Al, Uiǵyr aýdanynda naýbaihana jáne avtokólik jýý isine 10 adam tartylǵan. Kásip iesi Iarlin Kýdýsovich esimdi azamat. Aýdan ortalyqtarynan bólek, aýyldyq okrýgterde jumyspen qamtý máselesi oń sheshimin tapqan.
Máselen, Kegen aýdany, Bóleksaz aýyldyq okrýginde qazirgi ýaqytta «Aýyl el besigi» baǵdarlamasy aiasynda, «Daneker» jaýapkershiligi shekteýli seriktestiginiń basshylyǵymen halyqty aýyz sýmen qamtamasyz etý maqsatynda aýyl turǵyndarynan 25 adam jumyspen qamtyǵan. Bul da, óz kezeginde aýyl halqynyń turmysyn jaqsartýǵa qosylǵan úles ekeni anyq.
Osy tektes tizimdi jaziraly Jarkent óńiri jalǵai túspek. Biri sharýashylyqqa, endigisi qurylys jumystaryna kóńil aýdaryp jatsa, mundaǵy jergilikti kásipker bóbekter qamyn kúiitteýde. Jeke kásipker T. Mákejanova 200 oryndyq bala baqshany qoldanysqa bergen. Ǵimarattyń jalpy aýdany 961,5 sharshy metr. Jobany iske asyrýǵa 134 mln tenge qarjy jumsalǵan. Bastama «Jeke bastamalar» baǵdarlamasy aiasynda júzege asqan.
Memlekettik baǵdarlamanyń sharapaty tigen óńirdiń sapynda narynqoldyqtarda bar. Onda deneshynyqtyrý-saýyqtyrý kesheniniń qurylysy júrip jatyr. Kelisti keshendi salý úshin 110 jumys orny paida bolyp, aýyl turǵyndary jumyspen qamtylǵan. Jumyspen qamtý ortalyǵyndaǵy jumyssyz retinde tirkeýde turǵan azamattar men arnaiy mamandyǵy bar jastar dánekerleý isi, elektr jabdyqtaýshy jáne basqada jumystar atqarýda.
Oblys ortalyǵyna tiip turǵan Tekeli qalasynda da 70 jumys orny ashylǵan. Bul biz kórsetken bastamalardyń ishindegi kórnektisi. «Tehno Avia Grýp» tigin tsehi. Kásiporyn qorǵanysh quraldaryn óndirýmen ainalysady. Aita ketý kerek, sáýir aiynda oblys ortalyǵy, Taldyqorǵan qalasynan ashylǵan edi. Endigide óristeri keńeiip Tekeli qalasynan oryn teýip otyr.
Tigin tsehy – bir rettik meditsinalyq betperdeler, halattar, kombinezondar jáne basqa da arnaiy kiimderdi tigedi. Atalǵan seriktestiktiń filial basshysy Jarylqasyn Bolatuly.
Basshylyqtyń aitýynsha, tsehtiń alyp jatqan aýmaǵy 350 sharshy metrdi quraidy. Búginde óndiris orny 50 joǵary jyldamdyqty, 10 arnaiy óndiristik tigin mashinalarymen qamtamasyz etilgen. Jumys ornynda 70 adam eńbek etedi. Qyzmetkerler eki aýysymda jumys jasaidy. Alǵashqy elýi kúndiz, qalǵan jiyrma tiginshi keshke qyzmetine kirsedi. Alǵashqy kezeńnen bastap kúndigine 18-20 myń dana, aiyna 400 myń dana betperde tigip otyr. Sonymen qatar aiyna 35 myńa jýyq halattar óndiredi. Bul jospardy iske asyrý úshin 19,0 mln teńge qarjy bólingen.
Istiń alǵa basýyna mindetti túrde júie kerek. Osy turǵysynda óndiris orny eshkimnen qalyspaidy. Barlyq áreketi men baǵdary aldyn-ala daiyndalǵan. Iaǵni, qolǵa alǵan isterinde rettilik bar. Tseh basshylyǵynyń josparyna sáikes jumys kestesi tolyq ázirlengen.
Kásiporyn tamyz aiynan bastap jeke kompaniialarǵa, iaǵni, munai, energetika salasyndaǵy óndiris ornydary úshin arnaiy kiim ázirlei bastaǵan.
Biz tarqatqan qyzmetter ol bir parasy ǵana. Dál osyndai jumys oryndary oblystyń túkpir – túkpirinde ashylǵan. Negizinde aimaq basshysynyń aldyǵa qoiǵan jospary artyǵymen oryndalǵanyn basa aitqan jón. Óitkeni biylǵy jyldaǵy jospar boiynsha 48 999 jumys orny qurylady dep mejelengen edi.
2020 jyly «Eńbek» baǵdarlamasynyń birinshi baǵyty boiynsha 4040 adamdy kásibi oqytýǵa 2297,4 mln teńge bólingen, sonyń ishinde 2505 adamdy tegin kásibi tehnikalyq bilim men qysqa merzimdik oqytýǵa 594,4 mln teńge qarastyrylǵan.
Qazirgi kezde óńirdiń 15 oqý orny men 17 oqytý ortalyqtarynda 45 mamandyq boiynsha qysqa merzimdik oqytýǵa 2528 adam baǵyttalǵan. Sonyń 1396-sy oqýyn aiaqtady, 782 adam nemese 56% turaqty jumysqa ornalastyryldy.
Baǵdarlamanyń ekinshi baǵyty boiynsha 1094 yqtimal qatysýshylardy shaǵyn nesielendirý úshin 4791,3 mln teńge, qalalarda jáne aýylda shaǵyn nesielerdi kepildendirýge – 90,0 mln teńge, shaǵyn qarjylyq uiymdardyń operatsiialyq shyǵyndaryn sýbsidiialaýǵa – 10 mln teńge bólingen.
Búgingi kúni aýyldyq jerlerde 3512,0 mln teńge somasynda 859 mikrokreditter berildi, qalalarda 13 adam 137,5 mln. teńge kóleminde mikro kreditaldy.
Sol siiaqty «Bastaý Biznes» jobasy boiynsha kásipkerlik negizderin oqyp úirenýge 3645 adam jiberildi. Jańa biznes-ideialaryn damytý úshin 2130 adamǵa 1299,2 mln teńge somasynda memlekettik grant berý qarastyrylǵan. Búgingi kúni 920,3 mln teńgege 1795 grant berildi.
Sonymen qatar úshinshi baǵyt aiasynda 7580,2 mln. teńge bólingen. Úshinshi baǵyttyń barlyq kórsetkishteri artyǵymen oryndaldy.
Batalov sózinde turdy
Amandyq Batalov budan buryn biyl óńirde 46 myńnan astam jumys orny ashylatynyn aitqan. Aimaq basshysy “Eńbek” baǵdarlamasynyń mańyzdylyǵyn udaiy sóz etip, únemi nazarda ustaidy.
Tótenshe jaǵdai jónindegi memkomissiianyń otyrysynda Memleket basshysy Toqaev osy baǵdarlamany júzege asyrý úshin 1 trln teńge bólýdi tapsyrǵan-dy.
“Onyń ishinde Almaty oblysyna 109,2 mlrd.teńge bólindi. Bul bizdiń óńir úshin óte mańyzdy jáne qajetti qarajat. Birinshi kezekte halyqty jumyspen qamtý máselesin sheshý mańyzdy.
Óitkeni koronavirýsqa bailanysty oblystyń kóptegen turǵyndary jumyssyz qaldy. Olardyń otbasylaryna jaǵdai jasap, jańa jumys oryndaryn ashý qajet.
Buǵan deiin jumys jasaýǵa osyndai orasan zor qarajat bólingen joq. Sondyqtan biz olardy bólgende jaýapkershilikpen qaraýymyz kerek. Esepti kezdesý, jeke qabyldaýlar kezinde turǵyndar júgingen oblystyń aýdandary men qalalaryna da qarajat bólemiz”, – degen bolatyn budan buryn Batalov.
Budan bólek ol “túrli forým, konferentsiia ótkizýdi toqtatyp. Oǵan jumsalǵan aqshany halyqqa jumys taýyp berýge baǵyttaý kerektigin” aitqan.
“Memleket basshysy eń aldymen halyqtyń aldyndaǵy áleýmettik mindettemelerdiń oryndalýyn qamtamasyz etýdi qatań tapsyrdy. Oǵan bizde qarjy tolyq kólemde qarastyrylǵan. Qajet bolsa, mańyzdy emes shyǵyndardy qysqartý esebinen bul qarjy kólemin arttyra alamyz.
Biylǵy jyly 46 myńnan astam jumys ornyn qurýdy josparlap otyrmyz.
Imidjdik sharalardy ótkizýge baǵyttalǵan shyǵyndardy jáne biýdjettiń basymdyq berilmeitin shyǵyndaryn qysqartý, kólik, jihaz satyp alýdy toqtatý qajet”, – degen edi aimaq basshysy.
