Dalanews.kz osy oraida oblystaǵy "Jumyspen qamtý jol kartasy" baǵdarlamasyna sholý jasap, atalǵan baǵdarlama aiasynda atqarylǵan jobalardy elekten ótkizdi (maqala sońynda "Qala men Dala" gazetiniń osy maqsatty ázirlegen Infografikasymen tanysa alasyz).
Aimaq basshysy Amandyq Batalov osynaý baǵdarlamanyń mańyzdylyǵyn udaiy sóz etip, únemi nazarda ustaidy.
Tótenshe jaǵdai jónindegi memkomissiianyń otyrysynda Memleket basshysy Toqaev osy baǵdarlamany júzege asyrý úshin 1 trln teńge bólýdi tapsyrǵan-dy.
"Onyń ishinde Almaty oblysyna 109,2 mlrd.teńge bólindi. Bul bizdiń óńir úshin óte mańyzdy jáne qajetti qarajat. Birinshi kezekte halyqty jumyspen qamtý máselesin sheshý mańyzdy.
Óitkeni koronavirýsqa bailanysty oblystyń kóptegen turǵyndary jumyssyz qaldy. Olardyń otbasylaryna jaǵdai jasap, jańa jumys oryndaryn ashý qajet.
Buǵan deiin jumys jasaýǵa osyndai orasan zor qarajat bólingen joq. Sondyqtan biz olardy bólgende jaýapkershilikpen qaraýymyz kerek. Esepti kezdesý, jeke qabyldaýlar kezinde turǵyndar júgingen oblystyń aýdandary men qalalaryna da qarajat bólemiz", – degen bolatyn budan buryn Batalov.
Budan bólek ol "túrli forým, konferentsiia ótkizýdi toqtatyp. Oǵan jumsalǵan aqshany halyqqa jumys taýyp berýge baǵyttaý kerektigin" aitqan.
"Memleket basshysy eń aldymen halyqtyń aldyndaǵy áleýmettik mindettemelerdiń oryndalýyn qamtamasyz etýdi qatań tapsyrdy. Oǵan bizde qarjy tolyq kólemde qarastyrylǵan. Qajet bolsa, mańyzdy emes shyǵyndardy qysqartý esebinen bul qarjy kólemin arttyra alamyz.
Biylǵy jyly 46 myńnan astam jumys ornyn qurýdy josparlap otyrmyz.
Imidjdik sharalardy ótkizýge baǵyttalǵan shyǵyndardy jáne biýdjettiń basymdyq berilmeitin shyǵyndaryn qysqartý, kólik, jihaz satyp alýdy toqtatý qajet", – degen edi aimaq basshysy.
...
Ázir koronavirýstan emdelip, Nur-Sultandaǵy kardioortalyqta jatqan Batalovtyń tapsyrmasy qalai oryndalýda? Aimaqtaǵy jumyspen qamtýdyń qarqyny qandai? Jyl basynan beri qansha adam jumysqa turdy? "Jumyspen qamtý " baǵdarlamasy aiasynda Almaty oblysyna bólingen 109,2 mlrd teńge qalai igerilýde? Oblystaǵy qala-aýdandarda qandai áleýmettik infraqurylymdar boi kóterdi?
Dalanews.kz aimaqtaǵy árbir eldi-mekenge jeke-jeke toqtalyp, jumyspen qamtý baǵytyndaǵy atqarylǵan iske keń kólemdi sholý jasady.
Talǵar qalasy
Talǵarda «Jumyspen Qamtý Jol Kartasy» baǵdarlamasy aiasynda jalpy quny 6 mlrd 368,7 mln teńgeni quraityn 46 infraqurylymdyq joba júzege asyrylady.
Bular iske asqan jaǵdaida 1601 jańa jumys orny qurylady. Sonyń ishinde qalalyq Jumyspen qamtý ortalyǵynyń joldamasy boiynsha Talǵar aýdanynyń 801 adamy jumysqa ornalasady.
Búgingi tańńda barlyq 46 joba boiynsha konkýrstar jariialanǵan eken. Onyń ishinde 31-niń qorytyndysy (josparǵa sáikes 4 mlrd 271 mln. teńge nemese jalpy bólingen qarjydan 66,8 paiyzy ) shyqqan.
Bul boiynsha 1071 jańa jumys oryndaryn (onyń ishinde 540 adam Jumyspen qamtý ortalyǵy arqyly) ashý josparlanǵan.
Ázirdiń ózinde 14 joba boiynsha 243 adam jumysqa ornalasqan, onyń ishinde 124 adam jumyspen qamtý ortalyǵymen.
Atap aitar bolsaq, onyń ishinde Tóńkeris aýylyndaǵy № 23 orta mekteptiń kúrdeli jóndeýden ótkizý, Talǵar kalasyndaǵy oblystyq sanatoriialyq úlgidegi mektep internattyń kúrdeli jóndeý, aýdandyq mádeniet úiiniń jylý júiesin qalypqa keltirý sekildi mańyzdy jobalar bar.
Panfilov aýdany
Jarkent óńirinde qazirgi kúni 1047 azamat eki qolǵa, bir kúrek tapty. Aýdanda «Jumyspen qamtýdyń jol kartasy-2020» baǵdarlamasy aiasynda 55 joba jasalynyp, 5.2 mlrd bólingen.
Ilgeride aitqandai 1047 jumys orny qurylyp, Jumyspen qamtý ortalyǵy arqyly 523 adam jumysqa ornalasqan eken.
Aýdandaǵy mádeniet úii men eki mektepke kúrdeli jóndeý jumystary júrgizilýde. Aýdanda joldar, kóshelerdi jaryqtandyrý, mektep ishine dárethana ornatý, parkterdi abattandyrý syndy jumystarqolǵa alynǵan.
Al Penjim aýylynda kúnine 50 adamdy qabyldaityn ambýlatoriia salynyp jatyr.
Qapshaǵai qalasy
«Jumyspen qamtýdyń jol kartasy-2020» baǵdarlamasy aiasyndaǵy jumys Qapshaǵai qalasynda da óz retimen iske asyrylýda. Qalada 18 joba qolǵa alynǵan.
Sonyń arqasynda 143 jumys orny ashylmaq. Búgingi kúni qalalyq jumyspen qamtý ortalyǵy arqyly 122 adam jumysqa turǵan.
Joǵary da atalǵan jobalardy oryndaý maqsatynda qazynadan 1 mlrd. 705562 myń teńge bólinipti.
Baǵdarlama sheńberinde Y. Altynsarin, Sh. Ýálihanov atyndaǵy bilim ordalarynyń qurylysy , «Qapshaǵai jylý» mekemesin kógildir otynmen qamtý jáne №18 shaǵyn aýdanyndaǵy jylý júiesin jańartý jumysy qolǵa alynǵan.
Odan bólek birqatar kósheler jóndelý ústinde. Atap aitsaq, Arna aýylyndaǵy Naberejnaia kóshesi, Qosqudyq aýylyndaǵy Altynsarin kóshesi, Sheńgeldidegi Qojahan baba jáne Jambyl kósheleri jańartylmaq.
Balqash aýdany
Balqashta osy baǵdarlama aiasynda 30 joba infraqurylymdyq joba ázirlengen. Buǵan 2 mlrd 497 mln teńge qarajat bólingen eken.
Sonyń nátijesinde 293 jańa jumys orny ashylyp, sonyń 50 paiyzy, iaǵni 148 jańa jumys orny aýdandyq Halyqty jumyspen qamtý ortalyǵy arqyly jumysqa alynatyn bolady.
Búginde josparlanǵan 30 jobanyń 29-y boiynsha merdigerler anyqtalyp, kelisim-shart jasalǵan. Halyqty jumyspen qamtý ortalyǵy arqyly barlyǵy 105 azamat jumysqa ornalasqan.
Baǵdarlama boiynsha aýdandyq turǵyn úi-kommýnaldyq sharýashylyǵy bólimi arqyly 3 joba josparlanyp, kelisim-shart jasalynyp qol qoiyldy. Bilim bólimi arqyly 13 joba josparlanǵan. Jolaýshylar kóligi jáne avtomobil joldary bólimi arqyly 12 joba josparlanyp, 11 jobamen kelisim-shart jasalynyp qol qoiyldy.
Qurylys bólimi, Mádeniet jáne tilderdi damytý bólimi 1 jobadan iske asyrylady dep kútilýde.
"Jumyspen qamtý jol kartasy" baǵdarlamasynyń sheńberinde Quiǵan aýylyndaǵy orta mekteptiń jylý júiesin jóndeý, syrtqy qabyrǵalaryn qalyńdatý jumysy bastaldy. Budan bólek Kóktal aýylyndaǵy orta mektebin jóndeý jumysy da qyzý júrýde. "Jumyspen qamtý ortalyǵy" arqyly jumysqa 30 adam qamtylǵan.
Ile aýdany
"Jumyspen qamtý jol kartasy" baǵdarlamasynyń kómegimen Ile aýdanynda 89 joba ázirlenip, barlyǵy 3406 jumys orny qurylmaq.
Aldyńǵy qatarly iri jobalardyń biri Jetigen aýyldyq okrýgindegi №3 orta mektebine kúrdeli jóndeý jumystary. Sondai-aq, Aýdandaǵy 8 birdei mekteptiń ishki dárethanasy kúrdeli jóndeýden ótedi.
Budan bólek, Tilendiev aýylynda dárigerlik ambýlatoriia salynady. Aýdandyq sport mektebine sonymen qatar birneshe elektr, sý jáne káriz júiesilerine aǵymdaǵy jóndeý jumystar júrgiziledi. Birneshe aýyldarda kósheni jaryqtandyrý, kógaldandyrý men abattandyrý jumystary jasamaq.
Aýdandaǵy 50-den asa kóshege aǵymdaǵy jáne ortasha jóndeý jumystary jasalady.
Kerbulaq aýdany
2020 jyly Kerbulaq aýdanynda "Jumyspen qamtý 2020 jol kartasy" baǵdarlamasy arqyly 53 infraqurylymdyq jobany iske asyrý josparlanýda.
Osynyń nátijesine 333 jumys orny qurylatyn bolady.
Aýdandaǵy 8 aýyldyq okrýgtiń ortalyq kósheleri jáne 5 aýyldyń kirme jolyna ortasha jóndeý jumystary júrgiziledi. Sarybastaý aýylynyń orta mektebine kúrdeli jóndeý jasalynyp, 35 mekteptiń dárethanasy jóndeýden ótedi. Qoǵaly aýyldyq okrýgindegi Ortalyq stadionǵa jóndeý jumystary júrgiziledi dep kútilýde. Sonymen qatar Dolanaly, Onjas aýyldarynyń sý júiesiniń qurylysy bastalady.
Saryózek, Qoǵaly jáne Qarashoqy aýyldaryna túngi jaryqtandyrý jumystary jasalynady.
Qoǵalyda shaǵyn fýtbol alańy men balalar oiyn alańy salynady jáne Jastar saiabaǵy men UOS ardagerderlerine arnalǵan eskertkish jáne Kyzyljar aýylyndaǵy UOS ardagerleriniń eskertkish taqtasy aǵymdaǵy jóndeýden ótedi. Osy josparlardy júzege asyrý kezinde 165 adam aýdandyq Jumyspen qamtý ortalyǵy arqyly jumysqa qabyldanbaq.
Tekeli qalasy
Tekeli qalasynda barlyǵy 13 joba júzege asýda. Jazǵy maýsymda Tekeliniń 100-ge tarta turǵyny jumysqa qabyldanǵan. Onyń ishinde 13-i jol qurylysynyń basy-qasynda júr.
Jaqynda qala kósheleri men jaiaý júrginshilerge arnalǵan joldar qalpyna keltirilmek. Qalanyń kireberisi jáne kúnshyǵys kóshesine deiingi jolda jańa aryq naýalary salynyp, jaiaý júrginshiler jolynyń qańqasy qalanýda. Sondai-aq, Oraqty batyr, Jansúgirov, ál-Farabi kósheleriniń jiegine aryq júieleri tóselýde.
Budan bólek Tekelide balalarǵa arnalǵan 22 oiyn alańy salynady. Búginde alańdardyń ornyn daiyndaý jumystary júrgizilýde: qurylysshylar qum seýip, tas tósenishterdi ornyqtyrýda.
Eńbekshiqazaq aýdany
Aýdanda «Jumyspen qamtýdyń jol kartasy-2020» baǵdarlamasy aiasynda 106 joba júzege asyrylady. Bul maqsatta qazynadan 11 mlrd 513 mln teńge qarastyrylǵan.
Aýdan halqy úshin jaǵymdy jańalyqta joq emes. Baǵdarlama sheńberinde 3152 jumys orny qurylady. 1576 ornyn Jumyspen qamtý ortalyqtarynda kezekte turǵan turǵyndarǵa buiyrady.
Barsha qurylys jumystary aiaqtalǵannan keiin aýdanda 250 turaqty jumys orny ashylady. Aýqymdy jumystardyń qataryna Esik qalasynan boi kóteretin 1500 orynǵa laiyqtalǵan mekteptiń qurylysy kiredi. Bilim ordasynyń qurylysyna 1253 adam jumyldyrylǵan. Onyń ishinde 630 adam jergilikti Jumyspen qamtý ortalyǵy arqyly eńbekpen qamtamasyz etilgen.
Sonymen qatar, Eńbekshiqazaq aýdanyndaǵy 42-i mekteptiń ishindegi ájethanany retke keltirý júrgizilýde. Bul iske 84 adam tartylǵan. Baǵdarlama kómegimen Shelektegi politehnikalyq kolledj kúrdeli jóndeýden ótedi. Jóndeý jumystary 15 mamyrda bastalǵan. Jeltoqsan aiynyń 20 jeltoqsanynda qoldanysqa beriledi dep kútilýde. 274 adam jumysqa tartylsa, 137-si jumyspen qamtý ortalyǵy arqyly eńbekke aralasqan.
Sarqan aýdany
Sarqan aýdany boiynsha «Jumyspen qamtý jol kartasy» baǵdarlamasy aiasynda 45 joba ázirlengen. Onyń 44 jobasyna 1 mlrd. 603 mln. 551 myń teńge qarajat bólinip, jumystar bastaldy.
Baǵdarlama aiasynda 427 ýaqytsha jumys orny ashyldy.
Lepsi óńirinde baǵdarlama boiynsha irili-usaqty 4 joba qolǵa alynǵan. Kókjide aýylynda 250 oryndyq orta mektepke kúrdeli jóndeý júrgizilýde. Qarabóget aýylynda 1976 jyly salynǵan 220 oryndy mádeniet úiiniń kúrdeli jóndeý jumystary bastalyp ketti.
Lepsi, Almaly aýyldyq okrýgterinde tozyǵy jetken aýyz sý qubyrlaryn aýystyrý jumystary bastalyp, oǵan 72 mln qarajat bólingen. Jalpy, sý qubyrlarynyń uzyndyǵy 1600 metrdi quraidy.
Budan bólek biyl Sarqan qalasynda 9 kóp qabatty turǵyn úilerdiń aldyn abbattandyrý jumysy bastaldy. Jóndeýge 210 mln teńge qarajat qarastyrylǵan. Sarqan qalasyn jylýmen qamtamasyz etip otyrǵan «Sarqan Jylý» qazandyqtary jóndelýde. Aýdan mektepteriniń ishki dárethana jumystary boiynsha 19 joba qolǵa alynǵan.
Sonymen qatar, aýdanda týrizm salasyn damytý maqsatynda «Jońǵar-Alataýy» park aýmaǵyn sanitariialyq-gigienalyq toraptarmen jailastyrý jumystary bastalmaq. Oǵan 40 mln teńge qarajat bólingen.
Uiǵyr aýdany
«Jumyspen qamtýdyń jol kartasy-2020» baǵdarlamasynyń arqasynda Uiǵyr aýdanynda 178 adam jumysqa ornalasady.
Bul 34 jobanyń sheńberinde júzege asyrylady. Osy maqsatta biýdjetten 1 mlrd 886 mln teńge qarjy bólingen.
34 jobanyń ishinde 21-i bilim mekemelerin jóndeýden ótkizýge baǵyttalǵan. Sonymen qatar, Ketpen aýylyndaǵy mádeniet úiin kúrdeli jóndeýden ótkizý josparlanǵan. Turǵyn úilerdi qalpyna keltirý men sý tartý jumystary, jól jóndeý de nazardan tys qalmaǵan.
(Uiǵyr aýdanyna qatysty aqparatty aldaǵy ýaqytta tolyqtyratyn bolamyz)
Qarasai aýdany
Qarasai aýdany boiynsha "Jumyspen qamtýdyń jol kartasy-2020" boiynsha 62 nysannyń qurylysy iske asýda. Bularǵa tartylatyn jumysshylardyń 50 paiyzyn jergilikti turǵyndar qatarynan alý qajet degen naqty talap bar.
Budan basqa osy jobalardy júzege asyrýda paidalanylatyn materialdyń 90 paiyzy otandyq ónim bolýy tiis. Bul nysandardyń barlyǵy aǵymdaǵy jyly aiaqtalady.
Baǵdarlama kómegimen barlyǵy 340 adam jumysqa ornalasady. Joba jaiynda aitsaq Raiymbek aýdanynda keshki demalysqa arnalǵan saiabaq pen sport kesheni salynyp jatyr. Saiabaqqa bólingen aýmaq 1,3 ga quraidy. Jobaǵa bólingen qarajat 53 mln.tenge. Aita keterligi, munda avtosýarý júiesi ornatylǵan gúlzarlar bar. Onda gúlder men kógaldy shópter egiledi.
Al Turar aýylyna taza aýyz sý keledi. Osy maqsatqa "Jumyspen qamtý jol kartasy" baǵdarlamasy boiynsha 851 mln. teńge bólindi. Aýdan turǵyndary jumysqa alyndy. Jalpy obektide 87 adam eńbek etýi tiis. Qazir munde 50 jergilikti turǵyn jumysqa turǵan.
Budan bólek Qumaral aýylynda uzyndyǵy 9 shaqyrymdy quraityn elektr jelilerin qaita jańǵyrtý jumystary júrgizilýde. Buǵan 61 mln teńge bólingen. Qaskeleń, Qoshmambet, Bekbolat, Qainar, Eńbekshi, Dolan, Jibek joly aýylynda da elektrmen jabdyqtaý jelilerine aǵymdaǵy jóndeý jumysy júrgizilýde.
Jambyl aýdany
Jambyl aýdanynda quny 7 mlrd 169 mln teńgeni 56 joba júzege asady. Munyń barlyǵy «Jumyspen qamtýdyń jol kartasy-2020» baǵdarlamasy aiasynda qolǵa alynbaq.
Osynyń nátijesinde 1394 jumys orny qurylady. Barlyq jobalar iske qosylǵannan keiin aýdanda 251 turaqty jumys orny ashylady dep josparlanǵan.
Búgingi kúni jumyspen qamtý ortalyǵy arqyly 698 adam eńbekke tartylǵan.
56 jobanyń 25-i bilim oshaqtaryn qalypqa keltirýge baǵyttalǵan. Buǵan biýdjetten 72 mln. 573,4 myń teńge qarajat bólingen. Onyń 29 mln. 399,0 myń teńgesi igerilip úlgergen.
Uzynaǵash aýylynda 1500 orynǵa arnalǵan mektep boi kótermek. Jáne de Suranshy batyr aýylyndaǵy balabaqsha men mádeniet úii qalpyna keltirilmek. Bul isti sońyna jetkizý úshin jergilikti jumyspen qamtý ortalyǵy arqyly 132 adam eńbekke tartylǵan.
Jol jóndeýmen tórt birdei kompaniia ainalysýda. Atalǵan jobanyń tóńireginde 266 jumys orny daiarlansa, sonyń 132-ne jumyspen qamtý ortalyǵy arqyly turǵyndar jumysqa tartylǵan. Budan syrt turǵyn úi men sý tartý júieleri boiynsha 24 joba qolǵa alynǵan eken. Bul baǵytty 156 adam jumyspen qamtylypty.
Aqsý aýdany
Aqsý aýdanynda «Jumyspen qamtý jol kartasy» boiynsha 52 joba iske asyrylady. Atalmysh joba aiasynda 2 mlrd 148 mln teńge qarajat bólingen.
Sonyń arqasynda 537 jumys orny ashylady dep josparlanǵan. Onyń ishinde 268 adam Halyqty jumyspen qamtý ortalyǵynyń joldamasy arqyly jumysqa turady.
Ázir I.Jansúgirov aýylyndaǵy Bóribai batyr eskertkishin ornatý, ortalyq saiabaqty abattandyrý jumystary bastalýda. Sondai-aq Arasan, Eńbek aýyldaryna sý qubyrlary tartylady. Jol kartasy barysynda kóshedegi shamdardy qalpyna keltirý, aýyldy jaryqtandyrý nazardan tys qalmaǵan. Bul jumystar, I.Jansúgirov, Qalap, Qyzylaǵash aýyldarynda júrgizilmek.
Al, Kóshkental, Eńbek, Matai, Kókózek, Eginsý, Qyzylaǵash, B.Syrttanov, Aqsý, Saǵabúien, I.Jansúgirov, N.Esebolatov, Molaly, Qarakóz aýyldarynda jalpy 14 sport alańdary salynady dep josparlanǵan.
Aýdan boiynsha 27 mekteptiń ájethanalary mektep ishine kirgiziledi.
Eskeldi aýdany
"Jumyspen qamtý" baǵdarlamasynyń shapaǵatyn kórgender qatarynda Eskeldi jurshylyǵy da bar.
Biyl dál osy aýdanǵa qazynadan 3 mlrd 22 mln teńge bólingen. Atalǵan qarajatqa aýdan boiynsha josparlanǵan 59 jobany iske asyrý josparlanǵan.
Qolǵa alǵan istiń arqasynda Eskeldi aýdanynda ázirdiń ózinde 520 adam jumyspen qamtylǵan. Onyń ishinde 262 turǵyn aýdandyq Jumyspen qatý ortalyǵy arqyly eki qolǵa, bir kúrek taýypty.
Baǵdarlama aiasynda atqarylyp jatqan jobalardyń ishindegi eń aýqymdysy – Baqtybai aýyldyq okrýginde ornalasqan mádeniet úiiniń kúrdeli jóndeýden ótýi. Óner oshaǵynyń 20 jyldan keiin ekinshi tynysy ashylǵaly tur. Sán-saltanaty jarasqan án men kúidiń ordasyna kórermenniń kelmegenine biraz jyldyń júzi bolǵan. Sý jańa kúige engeli turǵan bul nysannyń qurylysyn júrgizýge 59 adam jumylǵan.
Kóksý aýdany
Aýdanda baǵdarlama aiasynda 26 joba iske asyrylyp, 400-ge jýyq adam jumysqa ornalaspaqshy.
Ázir dárigerlik ambýlatoriia kúrdeli jóndeýden ótýde. Kúnine 20 adamdy qabyldaýǵa qaýqarly meditsinalyq pýnkt jumystaryna 181 mln.teńge qarajat qarastyrylǵan.
Budan bólek baǵdarlama sheńberinde byltyr qurylysy bastalǵan Qyzyltoǵan aýylyndaǵy 120 orynǵa laiyqtalǵan bilim ordasy esigin aiqara ashady dep kútilýde. Budan basqa Ainabulaq aýylynda Ramazanov kóshesiniń joly jańartylyp, Mádeniet úiiniń janynan felsherli akýsherli pýnkt boi kóteretin bolady.
Jóndeý jumystarynan kósheni retke keltirý de syrt qalmaǵan. Bul maqsatta 19 mln teńge qarastyrylǵan. Baǵdarlama qoldaýymen aýdandaǵy 5 mektep kúrdeli jóndeýden ótedi.
Ázirlegen Anar SABYROVA,
Dalanews-tiń Almaty oblysy boiynsha menshikti tilshisi
