Arnaiy áleýmettik qyzmetti úide de, jartylai statsionar jaǵdaiynda da alýǵa bolady. Qazirgi tańda ortalyqta 3 bólimshe bar. Olar tserebraldy sal aýrýy diagnozy bar balalar bólimshesi, daýn diagnozy men aýtizm diagnozy bólimsheleri. Ortalyq úshburysh-piramida júiesi boiynsha jumys isteidi. Munda maman – áleýmettik qyzmetker-ana.
Bala ońaltýǵa kelgende, ortalyqtyń mamandary balaǵa jeke diagnostika júrgizip, meditsinalyq mýltikomandalyq baǵa beredi. Sonan soń balany emdeýdiń jeke josparyn jasaidy.
Ortalyqta psihologtar, defektologtar, logopedter, reabilitologtar, ortopedtar, nevropatologtar, sondai-aq eńbek terapiiasy men mýzykoterapiia mamandary jumys isteidi.
– Búgingi tańda bizde 1040 qyzmet alýshy bar. Olardyń 560-y múmkindigi shekteýli balalar, 480-y jalǵyz basty qart adamdar. Ońaltý uzaqtyǵy 3 aidy quraidy jáne jylyna 4 ret ótedi. Bizdiń negizgi qyzmetimiz arnaiy áleýmettik kómekti úide kórsetý. Bizdiń áleýmettik qyzmetker qyzmet alýshyǵa aptasyna 2 ret barady. Ortalyqtyń balalarmen belsendi jumystanýy nátijesinde 30 - ǵa jýyq bala alǵashqy qadamdaryn jasap, alǵashqy sózderin aitty, – dedi direktordyń mindetin atqarýshy Amanbai Erdáýlet.
Ortalyq kún saiyn balalardy ońaltý boiynsha is-sharalar ótkizedi. "Bul ortalyqqa 4 jyl boiy kelýdemiz. Meniń nemerem bul jerde basqa balalarmen aralasady, oinaidy. Osy 4 jyl ishinde kóp nárseni úirenip úlgerdi. Ortalyqqa kelýge árdaiym asyq, úlken qýanyshpen keledi. Ortalyq qyzmetkerlerine úlken alǵysymdy bildiremin" dep Mihail esimdi balanyń ájesi Svetlana Romanenko óz oiymen bólisti.
Ortalyq mamandary 8 arnaiy áleýmettik qyzmet kórsetedi. Olar – áleýmettik-turmystyq, áleýmettik-meditsinalyq, áleýmettik-pedagogikalyq, áleýmettik-psihologiialyq, áleýmettik-eńbek, áleýmettik-mádeni, áleýmettik-quqyqtyq, áleýmettik-ekonomikalyq qyzmetter bolyp jikteledi.
https://www.youtube.com/watch?v=FoZOAVKUU9g
