Ótinimderdi qabyldaý 10 qarashaǵa deiin jalǵasady. Jumys isteitin jastar úshin jalǵa beriletin turǵyn úi baǵdarlamasyna satyp alý quqyǵynsyz 29 jasqa deiingi azamattar qatysa alady.
Ótinim berý jáne ony qaraý kezinde qatysýshylar 29 jastan kishi bolýy tiis. Sondai-aq, IIM jas qyzmetkerleri men turǵyn úi tólemderin almaityn áskeri qyzmetshiler de qatysa alady.
Sonymen qatar astanalyq Turǵyn úi qorynyń habarlaýynsha sońǵy jarty jylda eńbek demalysyna nemese syrqatyna bailanysty demalysqa shyǵyp, sonyń áserinen alty aidyń birindegi tabysy azaiyp qalǵan jastar da qujattaryn tapsyra alady.
Esterińizge sala keteiik, 2019 jyly Nur-Sultan qalasynda 1050 páter beriledi. Olar 5 jylǵa jalǵa beriletin bolady. Osy ýaqyt ishinde óz baspanasyn alý úshin depozit shotyna ai saiyn aqsha aýdaryp otyrý keńes etiledi.
Jalǵa berý sharshy metrge bailanysty aiyna 5-ten 15 myń teńgege deiin bolady. Aita ketý kerek, joǵaryda aitylǵan baǵdarlama boiynsha jastarǵa arnalǵan jaldamaly páter kelesi jyly da beriledi.
https://www.youtube.com/watch?v=kIuJdhU5R4A
