Ainur Tursynbaeva marqum Orazáli Dosbosynovtyń Qytaida turatyn balalarynyń úiinde qonaqta boldy
Ainur Tursynbaeva dál qazir Qytai elinde júr. Ol atalǵan elde turyp jatqan Orazáliniń balalarynyń úiine qonaqqa barǵan. Artynsha balalarǵa ákeleri týraly aityp, estelikterin bólisken.
“Qytaiǵa eń alǵash Orazálimen kelgen bolatynmyn. 10 kún júrip aitysyp edik. Kún saiyn uzaq jol, bitpeitin áńgime. “Aqyndar ólse tek júrekten óledi, sebebi bizdiń júrekke túsetin salmaq aýyr” dedi bir kúizelgen kezde. “Qytaiǵa aitys úshin ǵana emes, ákemniń týystaryn kórip keteiin dep keldim” dep bir muńaiyp qaldy. Jaryqtyq Qytaidan kelgen soń kóp uzamai fáni dúnieden baqi dúniege attanyp kete berdi ǵoi.
Tirisinde kimniń baǵasyna jetip edik, oilap otyrsam 10 jyl qatar aitysyp júrgende kóńilge tietin bir aýyz sóz aityp kórmegen eken. Qazir Qytaida júrip osynyń bárin oilanamyn. Saǵynysh júrekti kernep-aq ketedi, átteń. Mynaý otyrǵan Orazdyń uly men qyzy. Qyzy Nuraishadan qatty úmit kútetin edi.
Osy Qytaida júrgende bir jaǵdailar bolyp, “sharshap kettim, túk te aitysqym kelmeidi” dep túńilgende, “Ainur, Aisha óskenshe aitysyp al, ol báribir aitystan seni qýyp shyǵady” dep kúldirgen edi. Muńaiyp turǵanynynyń ózinde jymiyp turatyn edi janym. Nursultan ulynyń kózinen de ákesiniń janarynda bolatyn meiirimdi kórdim. Saǵyndym”, – deidi Ainur Tursynbaeva.
Jeli qoldanýshylary marqum aityskerdiń ulyn anasyna, al qyzdaryn ákesine uqsatty. Munymen qatar, Ainur hanymnyń aýqatty ekenin tilge tiek etip, bul balalarǵa kómektesýdi suraǵan jandar da boldy. “Ainur hanym, sizdiń materialdyq jaǵdaiyńyz jaqsqy ǵoi. Osy eki balanyń bir jetistikke jetýine kómektesip jiberseńizshi. Alla razy bolsyn! Orazáli aqynnyń da árýaǵy razy bolady”, – deidi Kárima esimdi jeli qoldanýshysy.
