Buǵan qatysty «Aqtóbe aqparat» ortalyǵy resmi habarlama bergen-di. Onda Aqtóbe oblysynyń ákimi B.Saparbaevtyń ShQO ákimi bolyp turǵan tusta bir de bir gektar jerdiń shetel azamattaryna satylmaǵany aitylǵan.
«Aidyn Egeýbaevtyń bul málimdemesine qatysty «Aqtóbe aqparatqa» ShQO Úrjar aýdany ákiminiń mindetin atqarýshy Jarqynbek Baisabyrov málimet berdi. Onyń aitýynsha, 2010-2011 jyldary memlekettik jer qorynan «Daremet» JShS direktory S.Hvan (29827 ga), «Yrǵyn» JShS direktory A.Izimǵaliev (8 712 ga), «Manfagat» JShS direktory N.Tasmuratovtar (48 903 ga) jer alǵan, al Berdibek Saparbaev ShQO ákimi bolyp turǵan tusta oblysta jer QHR azamattaryna satylǵan joq», delingen habarlamada.
Muny oblys ákimi Berdibek Saparbaevtyń ózi de rastady.
Aqtóbe oblysynyń áleýmettik-ekonomikalyq damýynyń 2016 jyldyń birinshi jarty jyldyǵyn qorytyndylaǵan jiynda jýrnalist Asqar Aqtileýovtiń suraǵyna aimaq basshysy bylai dep jaýap berdi:
— Birinshiden, men jer satty dep jazǵan jigitti kórgenim joq, tanymaimyn da. Bizdiń memlekettiń zańy boiynsha ultaraqtai jer sheteldikterge satylmaidy. Osy ýaqytqa deiin men ol kisiniń aitqanyna qatysty úndemei otyrǵanymnyń sebebi – resmi málimet kúttim. Resmi málimetti ózderińiz aldyńyzdar. Men Shyǵys Qazaqstan oblysynyń ákimi bolyp turǵan kezde bir de bir sotyq jer sheteldikterge satylǵan joq. Eger ol azamattyń buǵan qatysty kúmáni bolsa, barsyn, teksersin.
Men bul másele týraly kóp oilandym. Jáne ol kisini resmi túrde sotqa beremin dep sheshtim. Sebebi ol osyndai málimetti áleýmettik jelige jariialaǵannan keiin meniń atyma kóptegen cóz aityldy: «Sengen Saparbaevymyz osylai isteitin bolsa, basqalary ne istemeidi?» degen sekildi meniń abyroiyma nuqsan keltiretin sózder aityldy. Sondyqtan, men ony sotqa beremin, materialdyq shyǵyn óndiremin jáne ony qandai da bir jetimder úiine aýdaramyn, — dedi B.Saparbaev.
Sondai-aq B.Saparbaev áleýmettik jeli paidalanýshylaryn mádenietti bolýǵa shaqyrdy: «Bizde áleýmettik jelilerdi paidalaný deńgeii óte tómen. Biz áleýmettik jelilerdi bir-birimizdiń ókpelerimizdi aitýǵa, bir-birimizben esep aiyrysýǵa paidalanamyz. Sodan kelip bireýlerdiń sózine senemiz. Bul durys emes. Sondyqtan, áleýmettik jelilerdi paidalanýda da adamda úlken mádeniet bolýy kerek», — dedi aimaq basshysy.
Derekkóz: aktobenews.kz
