"Ainalańdy nurlandyr" aktsiiasy aiasynda
Mekteptiń ákimshiligi de, bilim alýshy oqýshylar da bizdi jyly lebizben qarsy aldy. Qonaqtar kelgenin estigen oqýshylar ásem bezendirilgen kontsert zalynda jinaldy. Biz óz kezegimizde arnaiy qurylǵan kontserttik baǵdarlamamyzben bólisip, balalardyń kóńilin bir kóterdik. Aspan asty eliniń erekshelikteri men kórkem jerleri týraly prezentatsiia usynyldy. Sondaǵy balaqailardyń qyzyǵýshylyǵyn kórseńizder...Ústi-ústine suraqtar qoiyp, kontsertimiz erkin áńgimemen jalǵasty. Stýdentter qytai tilinde ánder shyrqap, balalardyń kózderindegi otty jandyra tústi. Balalarǵa tanys kóńildi án aitylǵanda, balalar shapalaq uryp qatty qýandy. Ol án arman týraly bolatyn. Dál osy tusta, balalardyń armandaýǵa degen qulshynysyn baiqaǵandai boldyq. Kontsertimiz osylaisha qyzyqty, ári kóńildi bolyp ótti. Keiin, mektep direktory men oqytýshylary bizdi balardyń bos ýaqytta ainalysatyn kásipterimen tanystyrdy. Mektep oqýshylary túske deiin sabaq oqyp, tústen keiin shyǵarmashylyqpen ainalysady eken. Oqytýshylar aitýy boiynsha, shyǵarmashylyq balalardyń boiyndaǵy kemistikti joiyp, dene-bitimderin túzetýge septigin tigizedi. Mektepte qysh qumyra jasaý sheberhanasy, monshaq toqý úiirmesi, teri óńdeý sheberhanasy jumys isteidi. Munda balalardyń óz qoldarymen jasaǵan buiymdaryn kórip tánti boldyq. Rasymen de, buiymdardyń sapasy óte joǵary, tipti bir sheberdiń jasaǵany ispettes. Bul óz kezegińde balalardyń asa zor uqyptylyǵy men iske jaýapkershilikpen qaraityndyǵynyń aiǵaǵy. Osylaisha, boilaryńdaǵy kemistikterdi jeńe bilip, taǵdyrdyń salaǵan tálkegine tóze bilgen balarmen tanysyp qaittyq. Bul balaqailardan kútetin úmitimiz kóp, Qazaqstannyń bolashyǵyna úlken úlesin tigizetin azamat bolyp ósetinine senimimiz zor. Al, biz óz kezegimizde olarǵa qoldan kelgenshe kómek kórsetemiz. Bul bizdiń alǵashqy kezdesýimiz bolatyn, aldaǵy ýaqytta mundai kezdesýlerdiń sany artatyny aidan anyq.
Kún kózi búkil álemdi óziniń jyly shýaǵymen aialap ǵasyrdań – ǵasyrǵa jetkizýde, adam balasy bir - birin aialap qadirlep, qinalǵan sátterinde qaiyrymdylyǵyn jasap ózderiniń iman júzdi adam ekendigin bildire bilse jer betinde baqytty jandar kóp ómir súreri anyq. Júregimizdi izgilendirip, ainalamyzdy nurlandyraiyq, aǵaiyn!
Ainur Sartova, Shyǵystaný fakýltetiniń 4 kýrs stýdenti
Nurtálip Sharypqazy, Shyǵystaný fakýltetiniń oqytýshysy
