Ministrdiń aitýynsha, mektepterde kezekshi toptarǵa keletin balalar úshin bilim kúni ótedi.
«Búginde biz mektep direktorlary men bilim basqarmalaryna ádistemelik nusqaýlardy jiberdik. Árine, 1 qyrkúiek – bilim kúni ótedi, tiisti sharalar da ótedi. Sebebi kezekshi toptarǵa keletin balalar bar», - dedi Aimaǵambetov.
Iaǵni, mekteptegi sharalar 1-4 synyptar úshin uiymdastyrylady. Al qalǵan oqýshylar onlain formatta qatysady.
«Ádette qalai boldy? 1 qyrkúiekte balalar mektepke keletin. Sol jerde saltanatty jiyn ótizilip, ary qarai balalar synyp saǵattaryna qatysatyn. Osy joly jiyn ótkizýdiń qajeti joq. Sondyqtan synyp saǵattary ǵana ótetin bolady. Demek, kezekshi toptar úshin synyp saǵattary uiymdastyrylady. Al qashyqtan oqityndar úshin ondai shara onlain rejimde ótedi», - dedi ministr.
Bastaýysh synyp oqýshylary «kezekshi synyptarda» topta 15 baladan oqidy. Sońǵy málimetter boiynsha, 530 myń balanyń ata-anasy offlain oqýǵa ótinish bergen, bul oqýshylardyń jalpy sanynyń 15%. 5% - shaǵyn jinaqtaýshy mekemelerde bilim alatyn oqýshylar, olardyń sany - 202 myń.
Degenmen, kezekshi synypta dástúrli formatta bilim berý barysyna birneshe qatań talap qoiylady.
«Kezekshi synyptar dástúrli formatta oqidy desek te birneshe qatań talap qoiyp otyrmyz. Óitkeni, biz úshin eń bastysy - qaýipsizdik máselesi. Sondyqtan birinshiden úzilis ártúrli ýaqytta bolady. Sabaqtyń bastalýy da ártúrli ýaqytta júrgiziledi. Ekinshiden, qyrkúiekte sabaq uzaqtyǵy 40 minýtpen shekteledi», - dedi ministr.
Onyń atap ótýinshe, kezekshi synyptarda sanitarlyq talaptar qatań saqtalýy tiis.
«Balalar bir kabinette ǵana oqidy. Ádettegidei bir kabinetten ekinshi kabinetke kóship oqýǵa jol bermeimiz dep sheshtik. Ár kún saiyn termometriia júrgiziledi. Jýý, jeldetý rejimi boiynsha tiisti talaptar qoldanylady. Shaǵyn jinaqtalǵan mektepterde dástúrli bilim berý barysyna da osy talaptar qoiylyp otyr. Buǵan qosa, bir synypta 25-30 bala bolatyn bolsa, onda olardy 15 baladan aspaityn topqa bólý kerek degen sheshim qabyldadyq. Osy sheshim aiasynda jumys júrgiziledi», - dedi Ashat Aimaǵambetov.
Búginde jalpy respýblika boiynsha, 2,6 mln oqýshy bar. Olardyń 80% qashyqtan oqidy.
«Onyń eki joly bar - internet nemese teledidar arqyly. «El arna» men «Balapan» arnalary 9 saǵatqa deiin telesabaq kórsetýge daiyn. Qazir túsirilimder jalǵasýda», - dedi ministr.
Al, qashyqtan oqytý 8 internet platformada júrgiziledi.
«Árine, qashyqtan oqytý boiynsha eki negizgi baǵyt bar. Birinshi baǵyt - internet arqyly oqytý. Internet arqyly oqytý boiynsha bizde arnaiy birneshe internet platforma bar. Jalpy, ótken oqý jylynyń 4-toqsanynda bizde eki negizgi 2 internet platforma bolsa, osy ýaqytta oǵan taǵy 6 internet platforma qosylyp, 8-ge jetti», - dedi Ashat Aimaǵambetov.
Onyń atap ótýinshe, osy platformalardyń yńǵaiyna bailanysty, berip otyrǵan múmkindigine bailanysty mektepter, qalalyq, aýdandyq bilim bólimderi sheshim qabyldap, kelisimshartqa qol qoiady jáne sol platformamen jumys isteidi.
«Ekinshi baǵytta balalar telearnalar arqyly sabaq beriledi. «El arna» jáne «Balapan» telearnalary telesabaqtarǵa táýligine 9 saǵatqa deiin efir bólip otyr», - dedi ministr.
Abai.kz
