Mashkevich Arqalyqtyń opyr-topyryn shyǵardy - jýrnalist
Qaladaǵy júie quraýshy iri kásiporyn «Qazaqstan aliýminiii» AQ Torǵai boksit ken basqarmasy jabylatynyn qynjyla jazǵan jazǵan jýrnalist bul máseleni sheshýde oblys ákiminiń ózi sharasyz ekenin aitady.
Bul máselege Prezidenttiń ózi aralaspasa, Arhimedtei (Arhimed Muhambetov Qostanai oblysynyń ákimi, red.) on ákim ákelseń de qolynan kelmeidi-aý. Alty alashtyń altynyn qazǵan Aleksandr Mashkevich Arqalyqtyń astyndaǵy shikizatty otyz jylda opyr-topyr qyldy.
Tirligi TBRÝ-ǵa tirelgen, onsyz da dotatsiiadaǵy shahardyń sharýasy osymen bitken sekildi", – deidi áriptesimiz.
Jýrnalist Torǵai boksit ken basqarmasyndaǵy 600-den astam jumysshynyń taǵdyryna alańdaýly. Aitýynsha oblys ákimi Arhimed Muhambetov Arqalyqqa arnaiy bara jatyr. Áriptesimiz ákim kelgenmen túitkildiń túiini tarqai qoiaryna senińkiremeidi.
"Sulý sózge quralǵan syltaýy tabylar. Myqty bolsa Mashkevichke milliard dollar investitsiia quiǵyzsyn. Byltyrǵy kezdesýinde kúlkińdi keltiretin, jas balaǵa kámpit ustatqandai usynystar aitypty. Siltemesi minekei https://www.erg.kz/kk/news/1330
Jaltaqtaǵan jurttyń janaiqaiy basylǵansha jarbańdap janynda júrersińder. Ári qarai at izin salmai keteri túsinikti. «Biznes po bilikskii» degen osy shyǵar.
Táýelsizdiktiń bastaýynda joqshylyq dep Torǵai oblysyn jaýyp tyndy. Kómekti kúte-kúte qorasyndaǵy malyn taýysqan myńdaǵan adam amalsyz Arqalyqqa kóship keldi. Endi esin jiia bastaǵanda bul jerdiń de bailyǵyn taýysyp, taǵy da tyǵyryqqa tiredi", – dep jazǵan eken jýrnalist jelidegi paraqshasynda.
