قالاداعى جۇيە قۇراۋشى ءىرى كاسىپورىن «قازاقستان ءاليۋمينييى» اق تورعاي بوكسيت كەن باسقارماسى جابىلاتىنىن قىنجىلا جازعان جازعان جۋرناليست بۇل ماسەلەنى شەشۋدە وبلىس اكىمىنىڭ ءوزى شاراسىز ەكەنىن ايتادى.
بۇل ماسەلەگە پرەزيدەنتتىڭ ءوزى ارالاسپاسا، ارحيمەدتەي (ارحيمەد مۇحامبەتوۆ قوستاناي وبلىسىنىڭ اكىمى، رەد.) ون اكىم اكەلسەڭ دە قولىنان كەلمەيدى-اۋ. التى الاشتىڭ التىنىن قازعان الەكساندر ماشكيەۆيچ ارقالىقتىڭ استىنداعى شيكىزاتتى وتىز جىلدا وپىر-توپىر قىلدى.
تىرلىگى تبرۋ-عا تىرەلگەن، ونسىز دا دوتاسياداعى شاھاردىڭ شارۋاسى وسىمەن بىتكەن سەكىلدى"، – دەيدى ارىپتەسىمىز.
جۋرناليست تورعاي بوكسيت كەن باسقارماسىنداعى 600-دەن استام جۇمىسشىنىڭ تاعدىرىنا الاڭداۋلى. ايتۋىنشا وبلىس اكىمى ارحيمەد مۇحامبەتوۆ ارقالىققا ارنايى بارا جاتىر. ارىپتەسىمىز اكىم كەلگەنمەن تۇيتكىلدىڭ ءتۇيىنى تارقاي قويارىنا سەنىڭكىرەمەيدى.
"سۇلۋ سوزگە قۇرالعان سىلتاۋى تابىلار. مىقتى بولسا ماشكيەۆيچكە ميلليارد دوللار ينۆەستيسيا قۇيعىزسىن. بىلتىرعى كەزدەسۋىندە كۇلكىڭدى كەلتىرەتىن، جاس بالاعا كامپيت ۇستاتقانداي ۇسىنىستار ايتىپتى. سىلتەمەسى مىنەكەي https://www.erg.kz/kk/news/1330
جالتاقتاعان جۇرتتىڭ جانايقايى باسىلعانشا جارباڭداپ جانىندا جۇرەرسىڭدەر. ءارى قاراي ات ءىزىن سالماي كەتەرى تۇسىنىكتى. «بيزنەس پو بيلىكسكيي» دەگەن وسى شىعار.
تاۋەلسىزدىكتىڭ باستاۋىندا جوقشىلىق دەپ تورعاي وبلىسىن جاۋىپ تىندى. كومەكتى كۇتە-كۇتە قوراسىنداعى مالىن تاۋىسقان مىڭداعان ادام امالسىز ارقالىققا كوشىپ كەلدى. ەندى ەسىن جيا باستاعاندا بۇل جەردىڭ دە بايلىعىن تاۋىسىپ، تاعى دا تىعىرىققا تىرەدى"، – دەپ جازعان ەكەن جۋرناليست جەلىدەگى پاراقشاسىندا.
