Merekelik shara «Qyzai ana» qoǵamdyq qorynyń tóraǵasy, professor Nábijan Muhamethanulynyń halyqty ulystyń uly kúnimen quttyqtap, «Qyzai ana» qory jumysyn qysqasha tanystryp, syily qonaqtarǵa shapan kigizýimen bastady. Aýyl, aýdan ákimderi, qoǵam qairatkerleriniń aqjarma tilekterin aityp, aýyl aqsaqaldary bata berdi. Budan keiin jastar men jasóspirimder arasyndaǵy sporttyq jarystar men merekelik kontserttik baǵdarlama qatar bastaldy. QR mádeniet qairatkeri, «Qurmet» ordeniniń iegeri Tileýbek Qojan jáne Nurshat Zeiiphan, Ádil Silámhan, Asqar Ákimbek, Lálá Baqytnurqyzy qatarly bir top ánshi ónerpazdar ánnen shashý shashyp, bishiler sahnany sánge bólep, aqyndarymyz jyr marjanyn jaýdyrdy.
Kontserttik baǵdarlamanyń ortasynda «Qyzai ana» qoǵamdyq qory uiymdastyrǵan igi sharalardyń marapattaýlaryna da kezek berilip turdy. Osy igi sharanyń biri – jastarymyzdy bilim men ǵylymǵa yntalantyrý maqsatynda joǵary oqý oryndarynda bilim alyp jatqan úzdik stýdentterge stipendiia taǵaiyndaý. Ǵalym Nábijan Muhamethanuly oqýdaǵy jetistikteri men qoǵamdyq jumystaǵy belsendiligi úshin ál-Farabi atyndaǵy QazUÝ-dyń magistranty Muqtai Klaraǵa 100 myń teńge, ál-Farabi atyndaǵy QazUÝ-dyń 1-kýrs stýdenti Bolat Búbisaraǵa 70 myń teńge, Tehnologiia-ekonomikalyq kolledjiniń 2-kýrs stýdenti Nurdanǵali Jainaǵa 50 myń teńge, Talǵar aýdany Óstemir aýyly №14 mektebiniń 9-shy synyp oqýshysy Begaly Baisaldyǵa 50 myń teńge qarjylai syilyq tabys etti.
[caption id="attachment_25407" align="alignleft" width="506"]
Músháira júldegerleri[/caption]
Esterińizde bolsa, «Qyzai ana» qoǵamdyq qory Alash Orda úkimetiniń 100 jyldyǵyna orai «Ádebiet» portalynda «Aibyndy Alashym» atty jas aqyndar arasyndaǵy jyr músháirasyn jariialaǵan bolatyn. Ádilqazylar jeńimpaz dep belgilegen aqyndardy marapattaý da osy Naýryz merekelik sharasynyń aiasynda ótip, jyr músháirasynyń qazylary men qor músheleri jeńimpaz aqyndardy saltanatty túrde marapattady. Biylǵy jylǵy naýryz merekelik dastarqan shyǵynyn kótergen qor quryltaishysynyń biri Sabyrjan Muhamethanuly jyr músháirasynyń negizgi júlde qory 500 myń teńgeni ózi ataǵan bolatyn. Ádilqazylar alqasy
Bas júldege baianaýyldyq jas aqyn Elaman Hasenulyna berildi (200 myń teńge).
Birinshi oryndy almatylyq aqyn Tólegen Mellat aldy (150 myń teńge).
Ekinshi oryndy almatylyq jas aqyn Aibol Islamǵaliev ielense (100 myń teńge),
úshinshi oryn Qoja Ahmet Iasaýi atyndaǵy Halyqaralyq qazaq-túrik ýniversitetiniń 1-kýrs stýdenti Ǵylymnur Kádirbaiulyna buiyrdy (50 myń teńge).
Sonymen birge «Qyzai ana» qory aqyn Talapbek Tynysbekuly men Baltabek Nurǵalievke arnaiy júlde tabys etse, jas kásipker Joldybai Oshyrbaiuly Alash Tursynáli men Dinara Málikke «Qyzai ana» qorynyń atynan arnaiy júlde taǵaiyndady.
«Qyzai ana» qoǵamdyq qory aqyndar arasyndaǵy músháirany osymen ekinshi jyl ótkizse, Stýdentter men oqýshylarǵa stipendiiany bes jyldan beri taǵaiyndap keledi. Sonymen birge qor atynan belgili kásipker, «Qyzai ana» qorynyń hatshysy, Almatydaǵy «Sáttibai» kompaniiasynyń tóraǵasy Omaráli Ádilbekuly da jyl saiyn Talǵar aýdany Óstemir aýyly №14 mektebiniń otbasynda qiynshylyǵy bar, oqýda ozat 5 oqýshyǵa 30 myń teńgeden qarjylai syilyq berip keledi. Biylda dástúrge sai 1-synyptan 7-synypqa deiingi 5 oqýshyǵa syilyǵyn óz qolymen tabystady.
Mereke sporttyq jarystarda marapatqa ie bolǵan jastar men jasóspirimderdiń syilyqtaryn tabys etýmen máresine jetti. Kelgen barsha qonaq arnaiy tigilgen kigiz úilerde jaiylǵan dastarqandarǵa retimen kirip keń dastarqannan dám tatty.
Eskere keteiin, «Qyzai ana» qoǵamdyq qory uiymdastyrǵan Óstemir aýylyndaǵy Naýryz merekesiniń dastarqanyn ár jyly bir áýlet ne birneshe azamat óz moiyndaryna alady. Sporttyq sharalar men jyr músháirasynyń shyǵynyn da dastarqan jaiǵan azamattar shyǵarady. Biylǵy jylǵy Naýryz merekelik dastarqanyn «Qyzai ana» qoǵamdyq qorynyń tóraǵasy, tarihshy, professor Nábijan Muhamethanuly jáne inileri Ánýar Muhamethanuly men Sabyrjan Muhamethanuly jaidy.
Turdybek QURMETHAN
Sýretterdi túsirgen Bekzat TURǴYNULY
