Keshtiń basty maqsaty – ultymyzdyń uly mýzykasyn ulyqtaý.
«Kesh sal serilik ónerge, solardyń uly rýhyna arnalady. Birjan sal bastaǵan uly sal-serilerdiń ómiri men ónerin pash etemin. Olar súıgen sulýlarǵa, sal serilerdiń basynan ótken mahabbat baıandaryna, súıinish-kúıinishterine, taǵdyr tragedıalaryna toqtalamyn. Jalpy alǵanda, sal-seriniń óner ulyqtaımyn. Kóptegen ánder shyǵardym. Sol ánderim oryndalady. Kóbisi alǵash ret úlken sahnada oryndalmaq», - deıdi san qyrly talant ıesi Erlan Tóleýtaı.
Erlan Tóleýtaı qazaq aqyndarynyń kóptegen óleńderine án shyǵarǵan. Ásirese, ánshi Maqpal Júnisova oryndaıtyn «Iapyraı» (sózi Muqaǵalıdyki) jáne ánshi Merýert Túsipbaeva aıtatyn «Sen jáne Men» (sózi Janat Áskerbekqyzynyki) ánderin ánsúıer qaýym jyly qabyldady. Abaıdyń, Shákárimniń, Muqaǵalıdyń, Jumataı Jaqypbaev, Erkesh Ibrahım, Qaıyrbek Asanov, Marfýǵa Aıthojına, Tursyn Jumash, Janat Áskerbekqyzy, Qaırat Asqarov, qyrǵyz aqyny Ákbar Rysqulovtyń óleńderine jazylǵan kóptegen ánderdiń avtory. Kompozıtordyń kóptegen ánderi tuńǵysh ret úlken sahnaǵa jol tartqaly otyr.
Oqyrmanǵa tanystyra ketetin bolsaq, Tóleýtaev Erlan Muqataıuly Qaraǵandy oblysy, Jańaarqa aýdany Ortaý aýylynda dúnıege kelgen.(03.03.1968 ); Bir jasynan bastap, Baıdaly bı (burynǵy Drýjba sovhozy) aýylynda, naǵashysy Orynbekov Shóken men Qalmaǵanbetqyzy Bıbigúldiń qolynda tárbıelengen.
Atasý orta mektebinde oqyǵan(1975-1985); Qaraǵandy memlekettik ýnıversıtetiniń tarıh fakúltetin tamamdaǵan (1994); E Bóketov atyndaǵy Qaraǵandy memlekettik ýnıversıtetiniń jastar isi jónindegi komıtetiniń jetekshisi bolyp qyzmet istegen (1994-1998); QarMÝ-diń arheologıa-etnologıa jáne Qazaqstan tarıhy kafedrasynda stajer-zertteýshi (1998); Qaraǵandy qalasyndaǵy jastardyń ıntellektýaldyq BOTA (bilimpazdar, oıshyldar, tapqyrlar, alǵyrlar) ortalyǵyn qurýshy jáne onyń tuńǵysh tóraǵasy (1996-2001); «Altyn Orda» respýblıkalyq táýelsiz gazetiniń Qaraǵandy oblysy boıynsha menshikti tilshisi bolyp istegen (2001-2002); «Qazaqstan–Qaraǵandy» telearnasynda redaktor bolyp eńbek etken (2003-2010); Respýblıkalyq «Alash Orda» gazetiniń bas redaktory qyzmetin atqarǵan (2008-2009); Sháken Aımanov atyndaǵy «Qazaqfılm» AQ «anımasıalyq kıno» shyǵarmashylyq birlestiginiń bas redaktory (2010); Úılengen. Jubaıy Zeınep – dáriger. Tuńǵyshy Láılá – polák, ıspan, aǵylshyn tilderiniń mamany. Uly – Aldıar 9 synyp oqýshysy.
Óner jolyn Qaraǵandy memlekettik ýnıversıtetiniń «Balaýsa» ádebı shyǵarmashylyq birlestiginde ánshi bolyp bastaǵan. 1990 jyly Tashkent qalasynda ótken «Orta Azıa jáne Qazaqstan jastar festıvaliniń» laýreaty (vokal nomınasıasy boıynsha); 1993 jyly Almaty qalasynda ótken 3-inshi respýblıkalyq «Jigittiń sultany» baıqaýynyń laýreaty atanǵan.
1998 jyly Astana qalasynda ótken 1-inshi halyqaralyq «Shabyt» festıvaliniń laýreaty. 2005 jyly ótken 1-inshi respýblıkalyq Mádı atyndaǵy ánshiler baıqaýynyń dıplomanty. Qatysatyn ánshiler: Erkin Shúkimanov, Merýert Túsipbaeva, Erlan Qujımanov, Seıil Aıaǵanov, Roza Álqoja, Dýlat Aqanov, Evgenıı Shagarov. Uıymdastyrý alqasy: Doshan Joljaqsynov, Toqtar Áýbákirov, Jarqyn Shákárim, Bolat Ábdilman, Ahmetbek Nursıla, Dıdar Amantaı, Ǵanı Beısembaı, Rústem Ábdirash, Beısen Quranbek, Batyrjan Seıdomar.
Keshten qapy qalmańyzdar!
Derekkóz: qamshy.kz
