Atalǵan mereke qarsańynda oblysta áleýmettik jáne kásiporyn syndy 20 nysan ashylyp, el igiligine beriledi. Aktsiia aiasynda Shymkent qalasyndaǵy «Ońtústik» indýstrialdy aimaǵynda ornalasqan «Shymkent Temir» JShS-niń bolat quiý zaýyty iske qosylady. Jalpy quny 4,2 mlrd. teńge bolatyn kásiporyn jylyna 240 myń tonna ónim shyǵarýǵa qaýqarly. Óndiris orny iske qosylǵanda 150 azamat jumyspen qamtylmaq.
1-6 shilde aralyǵynda Túrkistan qalasynda «Iassy qus» sharýa qojalyǵynyń ekinshi kezeńi, siymdylyǵy 200 tonna bolatyn kókónis jáne jemis-jidek saqtaityn servistik ortalyq ashylady. Astana qalasynyń 20 jyldyǵyna 20 nysan aktsiiasy barysynda 200 oryndyq mádeniet úii men 600 oryndyq mektep, 60 balaǵa shaqtalǵan «Aqken» emdeý-saýyqtyrý lageri jáne sport nysandary men demalys oryndar el igiligine tapsyrlady.
Osylaisha, ońtústik óńirde Elbasy júrgizip otyrǵan memlekettik saiasattyń arqasynda halyq úshin mańyzy zor birqatar áleýmettik nysandar men kásiporyndardyń qurylysy aiaqtalyp otyr. Bul baǵyttaǵy júieli jumystar aldaǵy ýaqytta jalǵasyn tabatyn bolady.
