Atalǵan mereke qarsańynda oblysta áleýmettik jáne kásiporyn syndy 20 nysan ashylyp, el ıgiligine beriledi. Aksıa aıasynda Shymkent qalasyndaǵy «Ońtústik» ındýstrıaldy aımaǵynda ornalasqan «Shymkent Temir» JSHS-niń bolat quıý zaýyty iske qosylady. Jalpy quny 4,2 mlrd. teńge bolatyn kásiporyn jylyna 240 myń tonna ónim shyǵarýǵa qaýqarly. Óndiris orny iske qosylǵanda 150 azamat jumyspen qamtylmaq.
Sonymen qatar, Shymkentte ulttyq tenıs ortalyǵy, zoobaqtyń «Safarı» bóligi men Astana dańǵylynyń boıynda gúlzardyń ashylý rásimi ótedi. Budan basqa mereıtoı qarsańynda el ıgiligi úshin oblys aýmaǵynda 4 balabaqsha, Shardara aýdanynda 10 páterli eki qyzmettik turǵyn úı men Tóle bı aýdanynda 20 páterli bes qabatty turǵyn úı, al Báıdibek aýdanynda 1 páterli 20 komýnaldyq turǵyn úı qurylysy paıdalanýǵa beriledi.
1-6 shilde aralyǵynda Túrkistan qalasynda «Iassy qus» sharýa qojalyǵynyń ekinshi kezeńi, sıymdylyǵy 200 tonna bolatyn kókónis jáne jemis-jıdek saqtaıtyn servıstik ortalyq ashylady. Astana qalasynyń 20 jyldyǵyna 20 nysan aksıasy barysynda 200 oryndyq mádenıet úıi men 600 oryndyq mektep, 60 balaǵa shaqtalǵan «Aqken» emdeý-saýyqtyrý lageri jáne sport nysandary men demalys oryndar el ıgiligine tapsyrlady.
Osylaısha, ońtústik óńirde Elbasy júrgizip otyrǵan memlekettik saıasattyń arqasynda halyq úshin mańyzy zor birqatar áleýmettik nysandar men kásiporyndardyń qurylysy aıaqtalyp otyr. Bul baǵyttaǵy júıeli jumystar aldaǵy ýaqytta jalǵasyn tabatyn bolady.
