J.Túimebaev: «Túrkistannyń jańa dáýiri bastaldy»
Biylǵy 19 maýsymda Elbasy – Ult Kóshbasshysy Nursultan Ábishuly Nazarbaev Ońtústik Qazaqstan oblysyn Túristan oblysy dep qaita qurý jáne onyń ortalyǵyn Shymkentten Túrkistan qalasyna kóshirý týraly tarihi Jarlyqqa qol qoiǵany belgili.
Búgin osy tapsyrmany oryndaý úshin Túrkistan oblysy ákimdiginiń memlekettik qyzmetkerleri Shymkentten Túrkistan qalasyna kóship keldi. Oblys basshysy Janseiit Túimebaev bastap kelgen kóshti Túrkistan qalasynyń ákimi Álipbek Óserbaev bastaǵan ziialy qaýym ókilderi men el aǵalary basqarmalar úii aldynan saltanatty túrde kútip aldy. Kezdesýde aimaq basshysy Túrkistandy túletýge kelgen memqyzmetkerlerdiń jumysyna sáttilik tiledi.
– Mineki, Túrkistan qalasyna basqarmalar men departamentter kóship kelip otyr. 17 tamyz búgingi tarihi oqiǵaǵa kýá bolǵan kópshilik úshin erekshe estelik bolyp qalady. Oblys ortalyǵynyń Túrkistanǵa kóshirilýinde úlken mán bar. Birinshiden, Túrkistan ǵasyrlar boiy Qazaq handyǵynyń astanasy boldy. Ekinshiden, toǵyz joldyń torabynda ornalasqan. Burynǵy Uly Jibek Jolynyń boiynda qonys tebýiniń ózi bul shahardyń strategiialyq mańyzy zor ekenin kórsetip tur. Ekinshiden, qazaqtyń 21 hany men batyrlary, bi-sultandary men qaimaqtary osy shaharda jerlengen. Bunyń ózi Túrkistannyń Qazaqstan úshin qasietti ortalyq ekeniniń kórinisi. Úshinshiden, Túrkistanda Túrki áleminiń uly ustazy, aqyn ári qairatker Ahmet Iasaýi babamyz ómir súrgen. Uly oishyl ustazdyń kesenesiniń Túrkistanda salynýy, bul shahardyń talai ǵasyrdan beri Túrkistan dep atalyp kele jatqany kóp nárseden habar beredi. Endeshe, Elbasy tapsyrmasyna sáikes, biz Túrkistandy Túrki áleminiń rýhani ári mádeni astanasyna ainaldyrýymyz kerek. Oǵan barshamyz úles qosyp, atsalysaiyq. Túrkistannyń jańarý kúnderi bastaldy. Barshańyzǵa qonys qutty bolsyn, osynda kóship kelgen basqarmalar men departamentterdiń qyzmetkerlerine sáttilik tileimin. Túrkistandy birge gúldendireiik! – dedi oblys ákimi.
Saltanatty sharada belgili aitysker - aqyn Bekarys Shoibekov memleket aldyndaǵy uly murattaryn oryndaý úshin kieli shaharǵa kóship kelgen qyzmetkerlerge arnaý aitsa, Túrkistan qalasynyń aqsaqaldary «azamattardyń qadamy oń bolsyn!» degen tilekterin bildirdi.
Munan soń, oblys bastaǵan top jańa qonysqa kelgen basqarmalar men ózge de memlekettik mekmelerdiń keńselerin aralap kórdi. Jas mamandarmen kezdesken óńir basshysy shaharda memlekettik qyzmetkerlerge turǵyn úiler salynyp jatqanyn, olar kelesi jyly paidalanýǵa beriletinin aitty.
Elbasynyń tarihi Jarlyǵynan keiin Túrkistan qalasyn oblys ortalyǵyna ainaldyrý úshin úlken daiyndyq jumystary júrgizildi. Atap aitqanda, Túrkistan qalasynyń Túrkistan qalasyn túrki áleminiń mádeni-rýhani ortalyǵy retinde damytý boiynsha bas jospardyń eń úzdik tujyrymdamasyn ázirleýge ashyq halyqaralyq konkýrs jariialandy. Túrkistan qalasynyń uzaq merzimdi aýmaqtyq damýy, mádeni-tarihi murasynyń saqtalǵa ári týristik áleýetin damytýǵa negizdelgen konkýrstyń jobalar kórmesi taiaý kúnderi ótedi.
Bas jospar bekitilgen soń soǵan sáikes Túrkistan qalasynda jańa áýejai, temirjol vokzaly, avtovokzal, kóptegen ákimshilik ǵimarattar men mádeniet oshaqtary salynady. Munan bólek 65 myń turǵynǵa arnalǵan jańa qalashyq boi kóteredi dep josparlaýda. Demek, aldaǵy jyldary Túrkistan qalasy úlken qurylys alańyna ainalady degen sóz. Qarqyndy qurylys qalaǵa investitsiia quiylýyna, kóptegen jańa jumys oryndarynyń paida bolýyna, kásipkerliktiń qanatyn keńge jaiyp, ekonomikanyń damýyna áser etedi.
Munan bólek, Túrkistan qalasynda kásipkerlikti, aýyl sharýashylyǵyn damytýǵa da basa mán berilmek. Ásirese, ónerkásip jetekshi salaǵa ainalýy tiis. Sondai-aq, Túrkistannyń ainalasynda jylyjai men intensivti baýlardy kóptep ósirilmek. Bul bir jaǵynan aýyl sharýashylyǵy salasynyń damýyna áser etse, ekinshi jaǵynan týristerge kórsetýge bolatyn ekotýrizm nysanyna ainalady.
Túrkistan oblys ortalyǵy ǵana emes, halyqaralyq dárejede tanymal qalaǵa, Túrki álemi ǵylymy men mádenietiniń iri ortalyǵyna ainalady. Munda búkil túritildes elder qatysatyn ǵylymi konferentsiialar men mádeni sharalar turaqty túrde ótedi. Sondai-aq, bul qalada Túrki akademiiasy, Túrik keńesi men TÚRKSOI sekildi halyqaralyq uiymdardyń bólimsheleri ashylady.
Túrkistan oblysy ákiminiń baspasóz qyzmeti
