16.09.2026 jyly Qoiandy aýylynyń mektep-litsei-gimnaziiasynda Tselinograd aýdanynyń prokýratýrasy «Zań men tártip» ideologiiasy aiasynda 500-den astam oqýshyny qamtyǵan «Prokýror saǵaty» atty aýqymdy profilaktikalyq is-shara ótkizdi.
Kezdesýdiń basty ereksheligi - praktikalyq format. Dástúrli dáristiń ornyna oqýshylar úshin jasóspirimder kúndelikti ómirde kezdesýi múmkin naqty jaǵdailar negizinde arnaiy keister ázirlendi.
Býlling jáne kiberbýlling, qurdastar arasyndaǵy janjaldar, kámeletke tolmaǵandar arasyndaǵy quqyq buzýshylyqtardyń aldyn alý, áleýmettik jelilerdegi qaýipsizdik jáne quqyqqa qaishy áreketter úshin jaýapkershilik máseleleri naqty mysaldar arqyly talqylandy.
«Prokýror saǵaty» barysynda oqýshylar talqylaýǵa belsendi qatysyp, óz sheshimderin usynyp, prokýratýra ókilderimen birge túrli ómirlik jaǵdailarda durys áreket etý algoritmderin qarastyrdy.
Quqyqtyq mádenietti qalyptastyrýǵa, jeke jaýapkershilikke, zańdy qurmetteýge jáne quqyq buzýshylyqtarǵa múldem tózbeýshilik qaǵidatyn qalyptastyrýǵa erekshe nazar aýdaryldy.
«Prokýror saǵaty» - jastarmen zań, jaýapkershilik jáne qaýipsizdik týraly ashyq dialog.
Mundai praktikalyq format balalarǵa zań talaptaryn túsindirip qana qoimai, alǵan bilimderin naqty ómirlik jaǵdailarda durys qoldanýǵa úiretýge múmkindik beredi.
«Zań men tártip» ideologiiasy aiasyndaǵy jumystar jalǵasýda.
