Burynǵy májilis depýtaty Murat Ábenov Air Astana kompaniiasynyń basqarý saiasatyna qatysty syn aityp, kompaniia basshylyǵynyń syiaqy kólemine kúmán keltirdi, dep habarlaidy dalanews.kz.
Onyń aitýynsha, Air Astana ózin tolyqtai jekemenshik kompaniia retinde kórsetkenimen, onyń damýyna memleket eleýli úles qosqan. Ábenov kompaniianyń ishki áýe tasymaly naryǵynda uzaq ýaqyt boiy basymdyqqa ie bolǵanyn atap ótti.
Eks-depýtattyń málimetinshe, 2025 jyldyń qorytyndysynda Air Astana tobynyń taza paidasy 72,5%-ǵa tómendep, 49,4 mln dollardan 13,6 mln dollarǵa deiin qysqarǵan. Soǵan qaramastan, basqarma músheleriniń jiyntyq syiaqysy 31,6%-ǵa ósip, 525,4 mln teńgeden 691,4 mln teńgege jetken.
Sondai-aq ol 2024 jylǵy halyqtyq IPO kezinde kompaniia aktsiialaryn Biryńǵai jinaqtaýshy zeinetaqy qory (BJZQ) satyp alǵanyn eske saldy. Ábenovtiń aitýynsha, ornalastyrý kezinde aktsiia baǵasy 1073,83 teńge bolǵan, al qazir olardyń quny shamamen 680–690 teńge deńgeiinde saýdalanyp jatyr.
Osyǵan bailanysty ol BJZQ men memlekettik organdardyń áreketine qatysty suraqtar qoidy.
«Paida azaiyp, aktsiialar qunsyzdanyp jatqan kezde basshylyqtyń syiaqysy nege ósip otyr? Qarapaiym azamattardyń zeinetaqy jinaqtary esebinen satyp alynǵan aktivterdiń quny tómendese, bul jaǵdaiǵa kim jaýap beredi?» – dep jazdy Murat Ábenov.
Sondai-aq ol «Samuryq-Qazyna» qorynyń, BJZQ men Kólik ministrliginiń bul máselege qatysty ustanymyn jariia túrde túsindirý qajettigin aitty.
