Almatyda Esentai ózeni jaǵalaýyndaǵy jańa mýral jurttyń synyna ushyrady. Áleýmettik jeli qoldanýshylary mýraldyń túsi tym ashyq ári kompozitsiia túsiniksiz ekenin aitty, dep habarlaidy dalanews.kz.
Almaty ákimdigi ókilderi osy jaitqa qatysty pikir bildirdi.
"Buqar jyraý kóshesinen Timiriazev kóshesine deiingi Esentai jaǵalaýy boiynda jańa qalalyq art baǵyt jasalady. Kádimgi sur beton qabyrǵalardyń ornyna munda kórkem kompozitsiia paida bolady. Joba qala týraly ánge negizdelgen. Olar kezeń-kezeńimen ornalastyrylady. Shyǵarma jaǵalaý boiymen júrgen saiyn birtindep kórinip, tutas bir hikaiaǵa ainalady. Al QR kod arqyly ándi tyńdap, kompozitsiiadan onyń mátinindegi joldardy taýyp, art baǵytty boilai serýendeýge bolady", - dep jazylǵan habarlamada.
Ákimdik málimetinshe, betondy bezendirý úshin syrtqy jumystarǵa arnalǵan kásibi boiaý jáne arnaiy graffiti boiaýy paidalanylady.
"Materialdardy tańdaýda olardyń aýa raiyna tózimdiligi, túsin uzaq saqtaýy jáne jabynnyń beriktigi eskerildi. Joba demeýshilik qarajat esebinen júzege asyrylady", - dep sendirdi ákimdik ókilderi.
Sonymen qatar, Almatyda 20 qyrkúiekte qala kúnine orai tanymal strit-art sýretshiler qatysatyn art-festival ótedi. Budan bólek, 18 qyrkúiekte qala kúnine orai 1000 jas sýretshi bir mezette Almatyny beineleidi.
