Elorda ákimdigi Astananyń kez-kelgen JOO-da jeke jáne memlekettik deńgeide tegin oqi alatyn mektep túlekterine myńnan astam grant bóledi.
Qalanyń joǵary oqý oryndarynda kúndizgi oqý nysanyna aqy tóleýge sertifikattar Astana qalasynyń jalpy bilim beretin mektepteriniń biylǵy túlekterine beriledi:
- jetim balalar,
- balalar úiiniń túlekteri,
- bala kezinen múgedekter,
- ata-anasynyń qamqorlyǵynsyz qalǵan balalar,
- kópbalaly otbasylardan shyqqan balalar – jan basyna shaqqandaǵy ortasha tabysy tórt eń tómengi kúnkóris deńgeiinen aspaityn aqshalai tólemder túrinde – 213 240 teńge.
Biylǵy oqý jylynda oqýdy 30 stýdent aiaqtady, onyń 29-y diplomyn alsa, 1-eýi respýblikalyq grantqa kóshti.
2008 jyldan bastap barlyǵy 359 stýdent tirkelgen maman boldy.
– Dálirek aitsaq búgingi tańda 359 maman shyǵaryldy. Jyl saiyn bul baǵytqa qarajat qarastyrylady. 150-den astam adam oqyp jatyr. Túlekterimizdiń bári, iaǵni 359-ynyń ishinde 320 adam jumysqa ornalastyryldy, – dedi elordanyń Jumyspen qamtý jáne áleýmettik qorǵaý basqarmasy basshysynyń m.a Erlan Júsipov.
Azamattardyń jekelegen sanattarynyń túlekteri (onyń ishinde oqýyn jalǵastyrýshylar) 2023-2024 oqý jylyna bekitilgen mamandyqtar tizbesine sáikes basym mamandyqtar – meditsinalyq, pedagogikalyq jáne tehnikalyq mamandyqtar boiynsha oqidy.
– Bul maǵan berilgen oqý múmkindigi, al ata-anam úlken jeńildik bolmaq. Bul bizdiń otbasymyz úshin óte mańyzdy. Sapaly bilim alyp, kókjiegimdi keńeitip, bilikti maman bolamyn dep oilaimyn, – dep atap ótti grant iegeri Lázzat Temirbolatova.
Bul joly grant sertifikattary 19 mektep túlegine mynadai mamandyqtar boiynsha berildi. Olar – dizain, aqparattyq júieler, qazaq tili men ádebieti, kóliktik logistika, jalpy meditsina, psihologiia mamandyqtary.
