1934 jyly alǵash shymyldyǵyn ashqan Abai atyndaǵy QazUOBT shaǵyn mýzykalyq stýdiiadan bastaý alyp, Eýraziia keńistigindegi eń úlken teatrǵa ainalyp, uzaq joldy bastan keshti, sol sebepten de «Qazaq óneriniń qara shańyraǵy» dep atalýy beker emes.
Teatr maýsymyn 9 qyrkúiek saǵat 18.00-de dástúr boiynsha ádettegidei Ahmet Jubanov pen Latif Hamididiń «Abai» operasymen ashpaq.
Basty partiialardy QR eńbek sińirgen qairatkeri Talǵat Kúzembaev, Venera Alpysbaeva, Nurjan Bajekenov, Bolat Bókenov somdaidy.
Al, 10 qyrkúiek saǵat 18.00-de klassikalyq biik óneriniń simvoly P. Chaikovskiidiń «Aqqý kóli» baleti kórermen nazaryna usynylady. Basty partiialardy Abai at. QazUOBT jetekshi balet ártisteri Malika Elshibaeva, Nelson Peniia, Azamata Asqarov somdaidy.
Mereitoilyq maýsym mádeni ómirdegi qyzyqty ári mańyzdy oqiǵalarǵa toly bolady. Kórermenderdi birqatar premeralar, festivaldar men gastrolder kútýde.
Abai atyndaǵy Qazaq ulttyq opera jáne balet teatry - Qazaqstannyń ulttyq qazynasy men maqtanyshy, Qazaq opera jáne balet óneriniń altyn besigi elimizdiń jáne halqymyzdyń tarihynyń altyn shejiresine máńgilikke endi, óitkeni dál osy teatrdyń qurylýy qazaq mýzykasyndaǵy kóptegen mýzykalyq janrlardyń damýyna, kompozitorlyq, vokaldyq, oryndaýshylyq, horeografiialyq janrlardyń qurylýyna qýatty túrtki boldy. Al teatr ǵimaratynyń qurylysy ulttyq arhitektýranyń damýynda jańa kókjiekter ashty.
1934 jyldyń 13 qańtarynda ashylǵan alǵashqy kúnderinen bastap ol qazaq halqynyń úzdik dástúrlerin saqtaityn halyqqa qoljetimdi mýzykalyq – sahnalyq alań retinde qalyptasty. 90 jyldyq tarihynda teatrda 300-den astam shyǵarma qoiyldy. Bul qazaq operalary men baletterimen qatar, orys, batys Eýropa opera klassikteriniń jaýharlary.
Korifeiler salǵan dástúrlerdi saqtaý jáne kóbeitý-bizdiń basty mindetimiz. 21-22 qazanda teatr Sydyq Muhamedjanovtyń «Jumbaq qyz» epikalyq operasynyń tusaýkeserin usynady, ol 1971 jyly sahnada alǵash ret qoiylǵan spektakldiń jańa baǵyttaǵy jańǵyrýynyń bir túri bolyp tabylady.
Operanyń librettosy qazirgi qazaq ádebietiniń negizin qalaýshylardyń biri Sáken Seifýllinniń "Kókshetaý" poemasynyń beinelerinen shabyt alyp, HVIII ǵasyrdyń ortasynda qazaq jerinde bolǵan ańyzǵa ainalǵan tarihi oqiǵalar týraly baiandaidy. Bul tutqyn-qalmaq qyzy Názik pen qazaq batyry-aqyn Adaqtyń jan túrshigerlik, mahabbatynyń tarihy.
Abai atyndaǵy Qazaq ulttyq opera jáne balet teatry jańa maýsymnyń ashylýyna daiyndalyp, óziniń kórermenderin kútýde!
BAQ ókilderiniń akkredittelinýi mindetti. Oryn sany shekteýli bolǵandyqtan aldyn-ala tirkelýlerińizdi suraimyz!
Tirkelý 8 qyrkúiek saǵat 18.00-de aiaqtalady.
Tirkelý nomeri: +7 778 969 70 80 Symbat.
Baspasóz - qyzmeti:
Chentsova Ekaterina +7 777 272 41 81; Imanǵalieva Symbat +7 778 969 70 80.
