Armeniia Ujymdyq qaýipsizdik týraly shart uiymynyń (UQShU) biýdjetine jarna tóleýden bas tartty. Armeniia Syrtqy ister ministrligi Erevannyń bul sheshimi týraly uiymnyń hatshylyǵyn resmi túrde habardar etkenin málimdedi. Áńgime ótken jyldyń jarnasy týraly bolyp otyr, dep habarlaidy Dalanews.kz.
“Armeniia 2024 jylǵy UQShU biýdjeti týraly sheshimge qol qoiýdan bas tartady jáne, tiisinshe, uiymnyń qyzmetin qarjylandyrýǵa qatyspaidy”, – delingen vedomstvonyń málimdemesinde.
Ministrlik sondai-aq UQShU ishki erejelerine sáikes uiym biýdjetiniń egjei-tegjeii kópshilikke jariia etilmeitinin atap ótti.
Buǵan deiin Resei Syrtqy ister ministrligi Armeniia 2025 jyldyń sońyna deiin UQShU aldyndaǵy qaryzyn ótemegen jaǵdaida, túrli sharalar qabyldanýy múmkin ekenin málimdegen. Alaida bul eldiń uiymnan shyǵarylýyna deiin jetýi ekitalai ekenin aitqan.
Ótken aptada Armeniia parlamenti eldiń Eýropalyq Odaqqa kirý protsesin bastaý týraly zań jobasyn maquldady. Degenmen Briýssel ázirge Armeniiaǵa múshe bolýdy usynǵan joq.
Aita keteiik, UQShU quramyna Belarýs, Qazaqstan, Qyrǵyzstan, Resei, Tájikstan jáne Armeniia kiredi.
2024 jyldyń basynda Armeniia premer-ministri Nikol Pashinian eldiń UQShU-daǵy músheligin toqtata turatynyn jáne uiym óz mindettemelerin oryndamasa nemese jaýapkershilik aimaqtaryn moiyndamasa, odan tolyq shyǵý múmkin ekenin málimdedi. Bul 2023 jyldyń qyrkúieginde Ázerbaijannyń Qarabaqtaǵy áskeri operatsiiasyna qatysty aitylǵan edi. Keiin Pashinian UQShU-ny Armeniianyń ulttyq qaýipsizdigine qaýip tóndiretin uiym dep atady, alaida uiym Erevan aldyndaǵy mindettemelerin saqtaitynyn jetkizgen.
Halyqaralyq quqyqqa sáikes Qarabaq – Ázerbaijan aýmaǵy. Alaida 1990-jyldardyń basynan beri Baký bul óńirdi baqylai almady. 2020 jyly bolǵan qarýly qaqtyǵys kezinde Ázerbaijan áskeri aýmaqtyń edáýir bóligin óz baqylaýyna qaitardy.
• 2023 jyly Ázerbaijan Qarabaqta qysqa merzimdi áskeri operatsiia júrgizip, búkil aimaqty tolyq baqylaýǵa aldy. Sonyń nátijesinde negizinen armiandar qonystanǵan moiyndalmaǵan Taýly Qarabaq Respýblikasy óz ómir súrýin toqtatty. Qaýipsizdikterine alańdaǵan 120 myńǵa jýyq adam óz úilerin tastap ketýge májbúr boldy. Baký
