Májilis depýtaty Erlan Saiyrov áleýmettik jelide taraǵan daýly sýretke qatysty pikir bildirdi. Kadrda Tý ustap, tumshalanyp sýretke túskender kórinedi, – dep habarlaidy Dalanews.kz.
Saiyrov Týdy bulai qorlaýǵa jol berilmeitinin málimdedi.
"Qazaqstan Respýblikasynyń Jalaýy - elimizdiń Táýelsizdiginiń, memlekettiń buljymastyǵynyń, Otanymyzdyń zaiyrlyǵynyń basty simvoly! Qazaqstannyń Týyn myna tárizdi "talaǵyn" shyǵarýǵa eshkimge jol joq!
Myna bizdiń qasietti Týymyzdy qorlaý faktisi boiynsha quqyq qorǵaý organdary qatań tekserý júrgizip, Zań boiynsha qatań sharalar qoldanýy tiis!" - dedi depýtat.
Sýrettegiler Saýd Arabiiasy týynyń elementteri bar Qazaqstan Týyn ustap turǵany kórinedi. Al sýret Atyraý qalasyndaǵy Hiýaz Dospanova atyndaǵy Muz saraiynda túsirilgen bolýy múmkin.
Quqyq qorǵaý organdary bolǵan oqiǵanyń mán-jaiyn anyqtap jatyr. Tergeý barysynda ustalǵandarǵa kóptegen suraq qoiylýy múmkin: bul Týdy qaidan aldy, ony qandai maqsatta paidalandy jáne nege áleýmettik jelilerde jariialady, t.s.s.?
Qandai jaza tónip tur?
Qazaqstan zańnamasyna sáikes memlekettik rámizderdi qorlaý qylmystyq jaýapkershilikke ákep soǵady.
Qylmystyq kodekstiń 372-baby boiynsha mundai áreket úshin úsh myń ailyq eseptik kórsetkishke deiin aiyppul salý, sol somaǵa túzeý jumystary, 900 saǵatqa deiin qoǵamdyq jumystar, eki jylǵa deiin bas bostandyǵyn shekteý nemese sol merzimge bas bostandyǵynan aiyrý jazasy kózdelgen.
