Aqtaýda eki er adam poshta bólimshesinen esirtki salynǵan sálemdemeni alyp, polısıadan qashýǵa árekettendi, dep habarlaıdy Dalanews.kz. 

Aldyn ala málimetke sáıkes, kúdiktiler "Qazposhta" bólimshesinen poshtalyq sálemdemeni alǵan sátten keıin tártip saqshylarynyń toqtaý týraly talabyn elemeı, avtokólikpen qashyp ketken.

Qýǵyn kezinde olar sálemdemeni jol boıyna laqtyryp jibergen. Alaıda qashý sátsiz aıaqtalyp, jol-kólik oqıǵasy boldy. Osydan keıin kúdiktiler kólikti tastap, jaıaý qashpaq bolǵanymen, ekeýi de qolǵa tústi.

Saraptama qorytyndysy boıynsha, laqtyrylyp ketken poshtalyq sálemdemeniń ishinde jalpy salmaǵy shamamen 400 gram geroın bolǵany anyqtaldy.

Atalǵan derek boıynsha esirtki quraldaryn zańsyz tasymaldaý faktisimen qylmystyq is qozǵaldy.

Medısınalyq kýálandyrý nátıjesinde ustalǵandardyń qanynda esirtki zattary bar ekeni rastaldy. Sot sheshimimen kólik júrgizýshisine esirtkilik mas kúıde kólik basqarǵany úshin ákimshilik jaýapkershilik taǵaıyndalyp, avtokólik arnaıy aıypturaqqa qoıyldy.

Sondaı-aq, eki azamat ta esirtkini medısınalyq maqsatsyz tutynǵany úshin arnaıy qabyldaý ornyna qamaldy.