Depýtat Ermurat Bápi memlekettik qupiiaǵa qol jetkizgen joǵary laýazymdy tulǵalardyń shetelge shyǵýyn zań júzinde retteýdi usyndy. Bul týraly ol áleýmettik jelidegi jazbasynda málimdedi, dep habarlaidy Dalanews.kz.
Bápidiń pikirinshe, eks-prezidentter, burynǵy ministrler jáne memlekettik qupiiamen jumys istegen ózge de laýazym ieleriniń shetelge kedergisiz shyǵýy ulttyq qaýipsizdik turǵysynan táýekel týdyrýy múmkin.
Sol sebepti ol zańger-depýtat áriptesterine osy baǵytta zańnamalyq bastama kóterý múmkindigin qarastyrýdy usyndy. Depýtat óz jazbasynda Abzal Quspan, Marat Bashimov, Baqytjan Bazarbek jáne Únzila Shapaq syndy quqyq salasynyń ókilderine suraq joldaǵan.
“Bul ne qylǵan súmeńdegen júris?! Kezinde jeke ózi bilep-tóstep, bir shybyqpen aidaǵan halqy pana bolmaitynyn sezgen soraqynyń qorlyǵy ǵana ma? Álbette bul tilenshektik Qazaqstanǵa, qazaqqa qarailas qareket emes, ádettegidei toiymsyz jeke bastyń qamy bolsa kerek! Sondyqtan eldiń qaýipsizdigin qamtamasyz etý maqsatynda memlekettik qupiiany biletin tulǵanyń (eks-prezident bolsyn, ministr nemese basqa da laýazymger bolsyn) shet elge shyǵý múmkindigin retteitin zań qajet shyǵar. Qalai oilaisyńdar, zańger-depýtat áriptester, biz osyndai zańǵa bastamashylyq jasai alamyz ba”, — dedi ol.
Bápi shetelge shyǵýǵa shekteý qoiý tájiribesi Qytai sekildi elderde bar ekenin atap ótti.
“Qytaidaǵy siiaqty shetke shyǵýdy shekteitin zań bizdiń eldiń halyqaralyq mindettemeleri men memleketaralyq konventsiialarǵa qanshalyqty qaishy kelýi múmkin? Máselen, biz depýtat retinde mundai memlekettik qupiialyq qajettilikke moiynsunýǵa májbúrmiz”, — dep qosty ol.
Sonymen birge ol ulttyq qaýipsizdik maqsatynda keibir tulǵalarǵa aldyn ala “shekaralyq shekteý belgisin” engizý tetigin qarastyrýǵa bolatynyn aitty.
“Al buǵan jáne Qojamjarov siiaqty basqalarǵa eldiń qaýipsizdik qamyna orai kúniburyn shekaralyq "qyzyl jalaýsha" qoiýǵa bolmai ma? Bul qabyldaýdyń saiasi mazmunyn Kreml qalai qabyldaitynyn qaidam, al eks-prezidenttiń ishindegi "qyzyl iti" eldiń memlekettik biligi men Qazaqstan halqyna ses kórsetýi dep túsinemiz be?”, — dep túiindedi depýtat.
