Búgingi tańda el aýmaǵynda BAQ ókilderi úshin tıisti aıyrym belgileri bekitilgen Beıbit jınalystarda bolatyn jýrnalıs (buqaralyq aqparat quraldarynyń ókili) qyzmetiniń qaǵıdalary qoldanylady.
Keýdeshe, jeńdegi tańǵysh, japsyrma jýrnalısiń aıyrym belgileriniń nysandary bolyp tabylady. Kórsetilgen aıyrym belgilerin taǵyp júrý kezinde olardyń anyq kórinýin qamtamasyz etý qajet.
Mınıstrlik BAQ ókilderin ustap alýdyń árbir jaǵdaıyn muqıat tekseredi.
Qazirgi ýaqytta quqyq qorǵaý organdarymen birlesip, ustap alýdyń barlyq faktileri boıynsha tekserý júrgizilip, zerdelenýde.
Ustap alý faktilerin anyqtaýdaǵy negizgi problemalar jýrnalıserde aıyrym belgileriniń bolmaýy bolyp tabylady, bul olarǵa qatysty kásibı qyzmetterin júzege asyrýǵa ruqsat berýde problema týdyrdy.
Budan basqa, oqıǵalardyń kórsetilgen kezeńinde BAQ-tyń jekelegen ókilderi Qazaqstan Respýblıkasynda «Beıbit jınalystardy uıymdastyrý jáne ótkizý tártibi týraly» zańnamany buzý faktileri boıynsha, sondaı-aq tótenshe jaǵdaı kezinde quqyqtyq tártipti buzýǵa ıtermeleıtin áreketteri jáne tikeleı ózderiniń kásibı qyzmetterin júzege asyrmaǵany úshin ustaldy.
Mınıstrlik tótenshe jaǵdaı rejıminiń talaptaryna túsinistikpen qaraýǵa jáne qatań saqtaýǵa, sondaı-aq buqaralyq is-sharalardy jarıa etý kezinde jýrnalıserdiń aıyrym belgilerine ıe bolýǵa shaqyrady.
Atalǵan másele mınıstrliktiń turaqty baqylaýynda.
