Bul rette Almatydaǵy Bilim innovatsiia litseiinde ótken Naýryz toiy kóptiń kóńilinen shyqty. Bilim men tárbieni qatar ushtastyrǵan oqý orny meiramǵa arnap qatarynan birneshe úi kiiz tikken eken. Sharany ótkizýge litseide bilim alatyn oqýshylardyń ata-analary da atsalysypty. Baýyrsaq pisirip, airan ashytyp, naýryz kóje ázirlegen olardyń balalarymen birlesip qoiǵan án-bi keshi de qyzyqty boldy. Ata-analar balalarymen birlesip túrli ult ókilderiniń biin biledi.
Naýryzdyń túrki dúniesindegi alar ornyna toqtalǵan Bilim innovatsiia litseiiniń direktory Iasin Iogýrtdjý óz sózinde jinalǵan qaýymdy merekemen quttyqtap, sharany ótkizýge atsalysqan ata-analarǵa alǵysyn aitty.
– Kún men tún teńesetin, ómirdiń jyly lebi esetin, yrys pen berekeniń, rizyq pen nesibeniń bastaýy Áz Naýryz qutty bolsyn, aq mol bolsyn! Ótken jylǵa ókpemiz joq, al keler kúnnen úmitimiz kóp. Árbir shańyraqqa bereke men molshylyq tileimin
– dedi Iogýrtdjý myrza.
[caption id="attachment_26058" align="aligncenter" width="728"]
Ata-analar birlesip jaiǵan dastarhannan dám tatqasyn litseidiń ishin aralap kórýge múmkindik aldyq. Litseide sabaq beretin ustazdardyń derligi ilgeri oqý oryndarynda bilim alǵan, jańa tehnologiialardyń qyr-syryna qanyq jas mamandar eken. Litseidiń oqý bólmelerin aralatyp tanystyrǵan informatika pániniń muǵalimi Asylbek Boranbaidyń aitýynsha, bul litsei daryndy oqýshylardyń talabyn shyńdaýǵa taptyrmaityn oryn. Árbir kabinet oqýshy bilim alatyn pánniń baǵytyna sai jasaqtalypty. Litseidegi ár bólme tájiribe alańy siiaqty. Aitalyq, biologiia bólmesinen tanystyrǵan Jasulan Almaǵambetov bizge túrli biologiialyq zertteýge jasaýǵa arnalǵan qural-jabdyqtardy kórsetti. "Osy arqyly oqýshynyń bilim qýýǵa degen izdenisi artady" dedi.
Litseidegi barlyq synyptardyń bólmelerinde interaktivti taqta ornatylǵan. Sportzal, óner úiirmeleri jáne bar. Jatahqana da dál osy oqý ornynyń ǵimaratynda ornalasqan.
