Sapar barysynda D.Abaev Belarýs Respýblıkasynyń «Joǵary tehnologıalar parkinde» bolyp, parktiń jáne IT saladaǵy bıznes-ınkýbatorlardyń jumysymen tanysty. Park basshylyǵymen kezdesýdiń qorytyndysy boıynsha JTP men «Zerde» holdıńiniń arysynda tyǵyz yntymaqtastyq pen tájirıbe almasý boıynsha kelisimge qol jetkizildi.
Budan bólek, D.Abaev Baılanys salasyndaǵy óńirlik dostastyqtyń Baılanys ákimshilikteri basshylary keńesiniń 52-shi otyrysyna jáne TMD-ǵa múshe memleketterdiń aqparattandyrý jónindegi Úılestirý keńesiniń 23-shi otyrysyna qatysty.
Baılanys salasyndaǵy óńirlik dostastyq otyrysy sheńberinde D.Abaev Ázirbaıjan, Reseı, Ózbekstan elderi baılanys ákimshiliginiń basshylarymen, sondaı-aq Halyqaralyq elektr baılanysy odaǵynyń Bas hatshysy H.Chjaomen birqatar ekijaqty kezdesýler ótkizdi.
Sonymen qatar, D.Abaev Eýrazıalyq ekonomıkalyq odaqtyń Sıfrlyq kún tártibin ázirleý jónindegi EAEO ýákiletti organdary basshylarynyń otyrysyna qatysty. Otyrys barysynda taraptar birlesken sıfrlyq jobalardy ázirleý máselelerin qarastyrdy.
