ساپار بارىسىندا د.ابايەۆ بەلارۋس رەسپۋبليكاسىنىڭ «جوعارى تەحنولوگيالار پاركىندە» بولىپ، پاركتىڭ جانە IT سالاداعى بيزنەس-ينكۋباتورلاردىڭ جۇمىسىمەن تانىستى. پارك باسشىلىعىمەن كەزدەسۋدىڭ قورىتىندىسى بويىنشا جتپ مەن «زەردە» حولدينگىنىڭ ارىسىندا تىعىز ىنتىماقتاستىق پەن تاجىريبە الماسۋ بويىنشا كەلىسىمگە قول جەتكىزىلدى.
بۇدان بولەك، د.ابايەۆ بايلانىس سالاسىنداعى وڭىرلىك دوستاستىقتىڭ بايلانىس اكىمشىلىكتەرى باسشىلارى كەڭەسىنىڭ 52ء-شى وتىرىسىنا جانە تمد-عا مۇشە مەملەكەتتەردىڭ اقپاراتتاندىرۋ جونىندەگى ۇيلەستىرۋ كەڭەسىنىڭ 23ء-شى وتىرىسىنا قاتىستى.
بايلانىس سالاسىنداعى وڭىرلىك دوستاستىق وتىرىسى شەڭبەرىندە د.ابايەۆ ءازىربايجان، رەسەي، وزبەكستان ەلدەرى بايلانىس اكىمشىلىگىنىڭ باسشىلارىمەن، سونداي-اق حالىقارالىق ەلەكتر بايلانىسى وداعىنىڭ باس حاتشىسى ح.چجاومەن ءبىرقاتار ەكىجاقتى كەزدەسۋلەر وتكىزدى.
سونىمەن قاتار، د.ابايەۆ ەۋرازيالىق ەكونوميكالىق وداقتىڭ سيفرلىق كۇن ءتارتىبىن ازىرلەۋ جونىندەگى ەاەو ۋاكىلەتتى ورگاندارى باسشىلارىنىڭ وتىرىسىنا قاتىستى. وتىرىس بارىسىندا تاراپتار بىرلەسكەن سيفرلىق جوبالاردى ازىرلەۋ ماسەلەلەرىن قاراستىردى.
