Almatyda halyqtyń mádeni nysandarǵa qoljetimdiligi arta túsken
Basqarma basshysy Memleket basshysynyń sózinde mádeniet salasynyń aldyna aýqymdy mindetter qoiylǵanyn, ásirese onyń talantty ókilderin, eldiń damýyndaǵy ziialy qaýymnyń róline erekshe mán berilgenin tilge tiek etti.
Spiker Almaty qalasynyń ákimi Baqytjan Saǵyntaevtyń tapsyrmasymen «Almaty – 2050» Strategiiasy aiasynda mádeniet salasynda turǵyndardy qalanyń mádeni ómirine tartý, mádeni qundylyqtarǵa qoljetimdilikti arttyrý mindeti belgilengenin atap ótti.
– Alǵa qoiylǵan mindetti sheshý úshin biz kelesi bastamalardy júzege asyrýdamyz. Birinshiden – qalanyń mádeni obektilerin barsha turǵyndar men halyq úshin barynsha qoljetimdi etý. Ekinshiden – dástúrli halyq mádenietin qoldaý. Úshinshiden – mádeni ónimderdi álemdik naryqqa shyǵarý, – dep habarlady Ǵani. Mailybaev.
Qasym-Jomart Toqaev óziniń Joldaýynda keler jyldan bastap mádeniet qyzmetkerleriniń jalaqysy kóteriletinin, sondai-aq bilim men densaýlyq saqtaý salasynda qoldanysta bolǵan áleýmettik jeńildikter beriletinin aitty.
Almaty qalasy IýNESKO-nyń kreativti qalalar jelisine múshe bolýynyń arqasynda «Mýzyka» shyǵarmashylyq baǵyty boiynsha búkil álemge tanymal. Jyl saiyn qalada «oren-air» formatynda 100-ge jýyq iri mádeni-buqaralyq is-sharalar ótkiziledi. Tipti pandemiialyq rejimde bul sala damýyn jalǵastyrýda. Almatynyń mádeni infraqurylymynda 160 mádeni obektiler men uiymdar oidaǵydai jumys jasaýda.
Ǵani Mailybaevtyń aitýynsha, qalanyń 16 kitaphanasy modernizatsiialandy. Formattyń jańarýynan keiin kelýshiler sany 60%-dan asqan. Kitaphanaǵa jóndeý jumystary júrgizilgenge deiin 758 000 adam kelse, búginde kelýshilerdiń sany 1 260 000 adamdy quraidy.
Jańa kitaphanalar syrtqy kelbetin ózgertip qana qoimai, jumys rejimin de ózgertti. Endi olar aptanyń jeti kúni kún saiyn 9.00-den 20.00-ge deiin jumys isteitin bolady. Modernizatsiiadan keiin ár kitaphanada oryndar sany artty, jeke jumysqa, qarym-qatynasqa, is-sharalarǵa jáne internet-bólmelerge arnalǵan túrli buryshtar quryldy.
Ǵani Mailybaev kitaphanalarǵa jańa tynys berilgenin, munda tegin shyǵarmashylyq úiirmeler ótkiziletinin, ádebi sýret zaldary men sheberlik synyptary uiymdastyrylǵanyn aitady. Modernizatsiiadan keiin 90-nan astam úiirme quryldy, oǵan 9 400-den astam adam qatysady.
«Biyl Bostandyq jáne Medeý aýdandarynyń taǵy 2 qalalyq kitaphanalary modernizatsiialanady» dedi Ǵ. Mailybaev.
Almatyda jańa keńistikte balalarǵa arnalǵan 25 tegin shyǵarmashylyq úiirme, kovorking-keńistik pen sheberlik sabaqtaryna arnalǵan alańdar turǵyndarǵa qyzmet kórsetedi. Kelýshilerdiń sany jyl basynan beri 100 000 adamnan asyp ketti.
– «Almaty-2050» uzaq merzimdi damý strategiiasyndaǵy basym baǵyttardyń biri – shyǵarmashylyq indýstriiany damytý. Sondyqtan munda Murat Muturǵanovtyń «Sen juldyzsyń» tsirk óneri mektebi, Diana Sharapovanyń vokal mektebiniń mýzyka kýrstary, «Art Bit» mýltimediialyq óner ortalyǵy – ónerdegi jańa tehnologiialarǵa baǵyttalǵan oqý-kórme ortalyǵy tegin jumys jasaidy. Hab qazirgi zamanǵy óner túrlerinen basqa, halyqtyq dástúrlerdi shyǵarmashylyqpen zertteýge múmkindik beredi. Osyndai úiirmelerdiń biri – Etnokonstruktor – halyqtyq dástúr rýhyndaǵy oiyn, – dedi Ǵ. Mailybaev.
Mádeniet basqarmasy basshysynyń pikirinshe, «ALATAU CREATIVE HUB» mádeni, intellektýaldyq jáne daryndy damytýdyń shynaiy oshaǵyna ainaldy.
Spiker strategiia aiasynda qaladaǵy Máýlenov kóshesi, 46 mekenjaida jańa kitaphana, sondai-aq Nazarbaev dańǵyly, 122 mekenjaida «MEDEU CREATIVE HUB» mýzykalyq ónerge baýlityn jastar ortalyqtarynyń ashylatynyn aitty. Munda jyl saiyn 500-den astam is-shara ótkizý josparlanýda.
