Aktıv otyrysyna qala ákiminiń orynbasarlary, máslıhat depýtattary, Qoǵamdyq keńes, ÚEU, bıznes-qaýymdastyqtar men jastar uıymdarynyń ókilderi qatysty.
Baqytjan Saǵyntaev Prezıdent Qasym-Jomart Toqaev óz Joldaýynda halyq pen memlekettiń múddelerin qorǵaýǵa negizdelgen ekonomıkanyń, áleýmettik salanyń, ishki jáne syrtqy saıasattyń barlyq negizgi máseleleri boıynsha óz ustanymyn bildirgenin atap ótti.
– Ekonomıkalyq salada Almaty ákimdigi jumysynyń basymdyqtary kásipkerlikti damytý, ınflásıaǵa qarsy áreket etý, memlekettik qarjyny tıimdi basqarý, qala ekonomıkasynyń turaqty ósýin qamtamasyz etý bolyp tabylady, – dep atap ótti megapolıs ákimi Baqytjan Saǵyntaev.
Pandemıa saldarynan bolǵan qıyndyqtarǵa qaramastan, qala ekonomıkasy qalpyna kelýdiń joǵary qarqynyn kórsetýde. Qysqa merzimdi ekonomıkalyq ındıkator 109,1 paıyzdy quraıdy. SHOB qoldaý úshin daǵdarysqa qarsy sharalar qabyldandy, mysaly, salyqtan jaldyq tólemderden bosatý, nesıe boıynsha paıyzdyq mólsherlemeni keıinge qaldyrý jáne sýbsıdıalaý.
Jyl basynan beri «Bıznestiń jol kartasy - 2025», «Eńbek», «Qarapaıym zattardyń ekonomıkasy», «QHA», «Almaty bıznes - 2025» sıaqty baǵdarlamalardyń arqasynda jalpy quny 191,6 mlrd teńge bolatyn 1,2 myńnan astam joba maquldandy. Bul 2,5 myńnan astam jumys ornyn ashýǵa múmkindik berdi.
– Bul baǵdarlamalar ózderiniń tıimdiligin kórsetti. Memleket basshysy «Qarapaıym zattardyń ekonomıkasy» jáne «Bıznestiń jol kartasy» baǵdarlamalarynyń merzimin 2022 jylǵa deıin uzartý týraly sheshim qabyldady. Sondyqtan qala ákiminiń orynbasarlary qajetti sharalardy qabyldaýy tıis, – dep tapsyrdy Baqytjan Saǵyntaev.
Prezıdent ekonomıkany odan ári dıversıfıkasıalaý, óndiriletin taýarlar assortımenti men eksport geografıasyn keńeıtý mindetin qoıdy. 2021 jyldyń qańtar-mamyr aılarynda júrgizilgen jumystyń arqasynda Almaty qalasynyń shıkizattyq emes eksport kólemi 813 mıllıon AQSH dollaryn qurap, 32,8%-ǵa ósti. Bul jumys, eń aldymen, eksportqa baǵyttalǵan jańa óndiristerdi iske qosý turǵysynan kúsheıtiletin bolady.
Baqytjan Saǵyntaev ınflásıany 4-6% dálizge qaıtarý boıynsha Prezıdent qoıǵan mańyzdy áleýmettik tapsyrmaǵa sáıkes baǵanyń ósýin tejeý sharalaryn jalǵastyrýdy tapsyrdy.
Almatyda tamyz aıyndaǵy tutyný baǵasynyń ındeksi jyl basynan beri 105,6% qurady. Bul qalada júzege asyrylǵan birqatar keshendi jáne jedel sharalardyń arqasynda múmkin boldy. Osylaısha, «keri» syzbany qoldaný Almatyǵa azyq-túlik taýarlarynyń 15 túrin turaqty baǵamen qamtamasyz etýge múmkindik berdi. İri saýda jelileri men azyq-túlik óndirýshileri qatysady. Jeti azyq-túlik bazarynda «áleýmettik dúkender» ashyldy, onda keıbir ónimderdiń baǵasy naryqtaǵy ortasha baǵadan 5-40%-ǵa tómen.
Alda turǵan basty mindet – Almatyda kóterme-bólý ortalyqtarynyń jelisin qurý. Óndirýshiler tek saýda jelilerine ǵana emes, sonymen qatar ónimdi saqtaý, býyp-túıý jáne tasymaldaý sıaqty tehnologıalyq operasıalarǵa qoljetkizýi kerek. Nátıjesinde deldaldar tizbegi qysqarady.
Alataý aýdanynda Ulttyq saýda-taratý jelisiniń ortalyǵynyń qurylysyna jylyna 637 myń palletke 17 gektar jer telimi bólindi. Nysan qurylysynyń bastalýy qarasha aıyna josparlanǵan, paıdalanýǵa berý – 2023 jyl. Baqytjan Saǵyntaev osy strategıalyq nysandy josparly túrde paıdalanýǵa berýdi qamtamasyz etýdi tapsyrdy.
