اكتيۆ وتىرىسىنا قالا اكىمىنىڭ ورىنباسارلارى، ءماسليحات دەپۋتاتتارى، قوعامدىق كەڭەس، ۇەۇ، بيزنەس-قاۋىمداستىقتار مەن جاستار ۇيىمدارىنىڭ وكىلدەرى قاتىستى.
باقىتجان ساعىنتايەۆ پرەزيدەنت قاسىم-جومارت توقايەۆ ءوز جولداۋىندا حالىق پەن مەملەكەتتىڭ مۇددەلەرىن قورعاۋعا نەگىزدەلگەن ەكونوميكانىڭ، الەۋمەتتىك سالانىڭ، ىشكى جانە سىرتقى ساياساتتىڭ بارلىق نەگىزگى ماسەلەلەرى بويىنشا ءوز ۇستانىمىن بىلدىرگەنىن اتاپ ءوتتى.
– ەكونوميكالىق سالادا الماتى اكىمدىگى جۇمىسىنىڭ باسىمدىقتارى كاسىپكەرلىكتى دامىتۋ، ينفلياسياعا قارسى ارەكەت ەتۋ، مەملەكەتتىك قارجىنى ءتيىمدى باسقارۋ، قالا ەكونوميكاسىنىڭ تۇراقتى ءوسۋىن قامتاماسىز ەتۋ بولىپ تابىلادى، – دەپ اتاپ ءوتتى مەگاپوليس اكىمى باقىتجان ساعىنتايەۆ.
پاندەميا سالدارىنان بولعان قيىندىقتارعا قاراماستان، قالا ەكونوميكاسى قالپىنا كەلۋدىڭ جوعارى قارقىنىن كورسەتۋدە. قىسقا مەرزىمدى ەكونوميكالىق ينديكاتور 109،1 پايىزدى قۇرايدى. شوب قولداۋ ءۇشىن داعدارىسقا قارسى شارالار قابىلداندى، مىسالى، سالىقتان جالدىق تولەمدەردەن بوساتۋ، نەسيە بويىنشا پايىزدىق مولشەرلەمەنى كەيىنگە قالدىرۋ جانە سۋبسيديالاۋ.
جىل باسىنان بەرى «بيزنەستىڭ جول كارتاسى - 2025»، «ەڭبەك»، «قاراپايىم زاتتاردىڭ ەكونوميكاسى»، «قحا»، «الماتى بيزنەس - 2025» سياقتى باعدارلامالاردىڭ ارقاسىندا جالپى قۇنى 191،6 ملرد تەڭگە بولاتىن 1،2 مىڭنان استام جوبا ماقۇلداندى. بۇل 2،5 مىڭنان استام جۇمىس ورنىن اشۋعا مۇمكىندىك بەردى.
– بۇل باعدارلامالار وزدەرىنىڭ تيىمدىلىگىن كورسەتتى. مەملەكەت باسشىسى «قاراپايىم زاتتاردىڭ ەكونوميكاسى» جانە «بيزنەستىڭ جول كارتاسى» باعدارلامالارىنىڭ مەرزىمىن 2022 جىلعا دەيىن ۇزارتۋ تۋرالى شەشىم قابىلدادى. سوندىقتان قالا اكىمىنىڭ ورىنباسارلارى قاجەتتى شارالاردى قابىلداۋى ءتيىس، – دەپ تاپسىردى باقىتجان ساعىنتايەۆ.
پرەزيدەنت ەكونوميكانى ودان ءارى ديۆەرسيفيكاسيالاۋ، وندىرىلەتىن تاۋارلار اسسورتيمەنتى مەن ەكسپورت گەوگرافياسىن كەڭەيتۋ مىندەتىن قويدى. 2021 جىلدىڭ قاڭتار-مامىر ايلارىندا جۇرگىزىلگەن جۇمىستىڭ ارقاسىندا الماتى قالاسىنىڭ شيكىزاتتىق ەمەس ەكسپورت كولەمى 813 ميلليون اقش دوللارىن قۇراپ، 32،8%-عا ءوستى. بۇل جۇمىس، ەڭ الدىمەن، ەكسپورتقا باعىتتالعان جاڭا وندىرىستەردى ىسكە قوسۋ تۇرعىسىنان كۇشەيتىلەتىن بولادى.
باقىتجان ساعىنتايەۆ ينفلياسيانى 4-6% دالىزگە قايتارۋ بويىنشا پرەزيدەنت قويعان ماڭىزدى الەۋمەتتىك تاپسىرماعا سايكەس باعانىڭ ءوسۋىن تەجەۋ شارالارىن جالعاستىرۋدى تاپسىردى.
الماتىدا تامىز ايىنداعى تۇتىنۋ باعاسىنىڭ يندەكسى جىل باسىنان بەرى 105،6% قۇرادى. بۇل قالادا جۇزەگە اسىرىلعان ءبىرقاتار كەشەندى جانە جەدەل شارالاردىڭ ارقاسىندا مۇمكىن بولدى. وسىلايشا، «كەرى» سىزبانى قولدانۋ الماتىعا ازىق-تۇلىك تاۋارلارىنىڭ 15 ءتۇرىن تۇراقتى باعامەن قامتاماسىز ەتۋگە مۇمكىندىك بەردى. ءىرى ساۋدا جەلىلەرى مەن ازىق-تۇلىك وندىرۋشىلەرى قاتىسادى. جەتى ازىق-تۇلىك بازارىندا «الەۋمەتتىك دۇكەندەر» اشىلدى، وندا كەيبىر ونىمدەردىڭ باعاسى نارىقتاعى ورتاشا باعادان 5-40%-عا تومەن.
الدا تۇرعان باستى مىندەت – الماتىدا كوتەرمە-بولۋ ورتالىقتارىنىڭ جەلىسىن قۇرۋ. وندىرۋشىلەر تەك ساۋدا جەلىلەرىنە عانا ەمەس، سونىمەن قاتار ءونىمدى ساقتاۋ، ءبۋىپ-تۇيۋ جانە تاسىمالداۋ سياقتى تەحنولوگيالىق وپەراسيالارعا قولجەتكىزۋى كەرەك. ناتيجەسىندە دەلدالدار تىزبەگى قىسقارادى.
الاتاۋ اۋدانىندا ۇلتتىق ساۋدا-تاراتۋ جەلىسىنىڭ ورتالىعىنىڭ قۇرىلىسىنا جىلىنا 637 مىڭ پاللەتكە 17 گەكتار جەر تەلىمى ءبولىندى. نىسان قۇرىلىسىنىڭ باستالۋى قاراشا ايىنا جوسپارلانعان، پايدالانۋعا بەرۋ – 2023 جىل. باقىتجان ساعىنتايەۆ وسى ستراتەگيالىق نىساندى جوسپارلى تۇردە پايدالانۋعا بەرۋدى قامتاماسىز ەتۋدى تاپسىردى.
