پرەزيدەنت قاسىم-جومارت توقاەۆ تسيفرلاندىرۋ مەن جاساندى ينتەللەكت تەحنولوگييالارىن كەڭٸنەن ەنگٸزۋگە باعىتتالعان جاڭا ستراتەگييانى بەكٸتتٸ, دەپ حابارلايدى dalanews.kz.
اقوردا مەلٸمەتٸنشە, مەملەكەت باسشىسى "اۋقىمدى تسيفرلاندىرۋدىڭ جەنە جاساندى ينتەللەكت تەحنولوگييالارىن جاپپاي ەندٸرۋدٸڭ 2029 جىلعا دەيٸنگٸ Digital Qazaqstan جالپىۇلتتىق ستراتەگيياسىن بەكٸتۋ تۋرالى" جارلىققا قول قويعان.
جارلىقتىڭ تولىق مەتٸنٸ باسپاسٶزدە جارييالانادى.
ايتا كەتەيٸك, بيىل سەۋٸر ايىندا پرەزيدەنت Alem.ai battle جەنە AI Governance Cup بايقاۋلارىنىڭ جەڭٸمپازدارىن ماراپاتتاۋ رەسٸمٸندە تسيفرلاندىرۋ مەن جاساندى ينتەللەكتٸنٸ دامىتۋ مەسەلەسٸنە ەرەكشە توقتالعان بولاتىن. سول كەزدە قاسىم-جومارت توقاەۆ بۇل باعىت قازاقستاندى جان-جاقتى جاڭعىرتۋدىڭ ماڭىزدى تەتٸكتەرٸنٸڭ بٸرٸ ەكەنٸن ايتقان.
مەملەكەت باسشىسى ەلٸمٸزدٸڭ تسيفرلىق دامۋ باعىتىن ايقىندايتىن Digital Qazaqstan ستراتەگيياسى قابىلداناتىنىن دا سول كەزدە مەلٸمدەگەن ەدٸ.
"بەرٸڭٸزگە بەلگٸلٸ, بيىل ەلٸمٸزدە – "تسيفرلاندىرۋ جەنە جاساندى ينتەللەكت جىلى". سوندىقتان الدىمىزدا ەلٸ دە كٶپ جۇمىس بار. شيراق قيمىلداپ, تۇتاس قوعام بولىپ تاباندى ەڭبەك ەتۋٸمٸز كەرەك", – دەدٸ پرەزيدەنت.
قاسىم-جومارت توقاەۆ قازٸرگٸ ەلەمنٸڭ ٶتە جوعارى قارقىنمەن ٶزگەرٸپ جاتقانىن اتاپ ٶتتٸ. ونىڭ ايتۋىنشا, مۇنداي كەزەڭدە قازاقستان بەسەكەگە قابٸلەتتٸ ەل رەتٸندە دامىپ, تەحنولوگييالىق كٶشتەن قالماۋى كەرەك.
پرەزيدەنتتٸڭ پٸكٸرٸنشە, تسيفرلاندىرۋ مەن جاساندى ينتەللەكتٸنٸ تيٸمدٸ ەنگٸزۋ ەلدٸڭ ٶسٸپ-ٶركەندەۋٸنە, مەملەكەتتٸك باسقارۋ مەن ەكونوميكانىڭ جاڭارۋىنا ىقپال ەتەدٸ.
