Qor arqyly aqynnyń tarihi tulǵa retindegi aishyqty beinesi, eren eńbekteri men shyǵarmashylyǵy jan-jaqty zerttelip, ǵylymi ainalymǵa engizilip, jastarǵa kóbirek nasihattala túspek. Sonyń bir baǵyty retinde ótkizilgen baiqaýǵa 4 joǵary oqý ornynan 16 stýdent qatysty. Olar aqyn ómiri men shyǵarmashylyǵyn tanyp bilý deńgeiin kóp aldynda kórsetip, Tańjaryq óleńderin mánerlep oqyp synǵa tústi. Belgili aqyn, jýrnalist, ónerpazdardan quralǵan qazylar alqasynyń sheshimi boiynsha bas júldeni atalǵan oqý ornynyń stýdenti Aijan Meldebek ielendi. 1-oryndy Abai atyndaǵy QazUPÝ-dyń stýdenti Saltanat Anapiiaeva, 2-oryndy QyzPÝ-dyń stýdenti Aqgúl Aidarbekqyzy, 3-oryndy atalǵan oqý ornynyń stýdenti Qamajai Erkebaeva qanjyǵalady. Júldegerler qarjylai syiaqyǵa qol jetkizdi. Sonymen qatar, Aqyt Úlimjiuly, Asylqan Myńjasaruly jáne Tańjaryqtanýshy Tileýjan Saqalov atyndaǵy arnaiy júldeler berildi. Tileýjan aǵamyzdyń jary Bópen Jeksebaeva ózi kelip júldeni buiyrǵan iesine tabys etti. Qysqasy, jastar jarady, shabyttan shyǵarma jazyp, otty, rýhty aqynnyń jyrlaryn jatqa oqydy, mán-mańyzyn kókeige toqydy. Tańjaryqtanýǵa belsene kirisip, jaqsy nátije kórsete alatynyn shyn dáleldedi. Jastardyń uly aqyn, ult qairatkeriniń rýhynan úlken áser alyp, tebirene qalam terbep, tereń tani túskeni kóńil qýantady. Osy baǵyttaǵy igi ister aldaǵy ýaqytta da jalǵasa bermek. Igi sharaǵa belgili synshy, qalamgerler men jastar qatysty. Tańjaryq ánderi shyrqalyp, nasihatshylaryna qor atynan alǵys hat berildi.
«Tańjaryq oqýlary» – jyl ótken saiyn órisi keńeiip, qanatyn keńge jaiyp kele jatyr. Tańjaryq muralaryn nasihattaý, urpaq sanasynda qaita jańǵyrtý isi jyldan-jylǵa jandanyp kele jatyr dep aitýǵa bolady. Sonyń bir kórinisi, búgingi «Tańjaryq oqýlaryna» tyńǵylyqty, tiianaqty daiyndalyp kelgen joǵarǵy oqý oryndarynyń stýdentteriniń ónerine tántti boldyq. Sondyqtan da óz deńgeiinde ótti dep oilaimyn. Mánerlep oqý kezeńinde múdirip, umytyp qalǵan úmitkerlerdi baiqaǵan joqpyz. Tańjaryq shyǵarmalaryn jańa qyrynan ózderinshe paiymdap, zerdelep-zerttegen keibir ushqyndy sáýleli oilardy baiqadyq. Tańjaryq shyǵarmalary, Tańjaryq murasy búgingi urpaqtyń rýhani azyǵyna, tálim-tárbiesine, eldi, otandy súiýine, patriottyq sezimdi qalyptastyrýyna birden-bir nasihatshy ról atqarady dep oilaimyn.
Aijan Meldebek, QyzPÝ-dyń 2-kýrs stýdenti, bas júlde iegeri:
Tańjaryq oqýlaryna ekinshi márte qatysyp otyrmyn. Saiys bolǵannan soń, bedeldi ýniversitet stýdenttermen bəigege túskennen keiin olardan oq boiy ozyp shyǵýǵa talpynasyń. Ol úshin eńbek jolynda ter tógilýi qajet. Tańjaryqty jan jaqty zerttep, onyń shyǵarmashylyǵymen tanys bolý kerek. Ərine, tanystyq. Aqynnyń ómir jolyndaǵy qiyndyqtaryna ókinishpen qaradyq.Keshe biz kim edik? Tańjaryqty tanymaq túgili Alashtyń bundai azamaty bar ekenin de bilmedik. Al, búgin osy baiqaýdyń arqasynda Tańjaryqty Abaisha tanyp jatqan jaiymyz bar. Bul joly Tańjaryq baiqaýynan alǵan əserim esten ketpestei boldy. Osy jolda biik shyńnan kórinýime kómek bergen birtýar azamattarǵa, ata -anama, meni rýhani shabyttandaryp úmit atqan dostaryma aitar alǵysym sheksiz!
Jarqyn Sálenuly
Sýretti túsirgen: Sársenbek Qyzaibekuly
